Умовы спаборніцтва не былі жорсткімі і амаль не абмяжоўвалі патэнцыйных удзельнікаў ні ў рэпертуары, ні ў форме падачы матэрыялу. Відавочна, што ўзрасталі яны, перадусім, пад моцным уплывам сучасных тэлевізійных перадач. Таму калі рэпертуар канкурсантаў "Зоркі..." можна адзначыць як разнастайны і рознабаковы, то ўзровень выканання быў прыблізна аднолькавы, і строгае журы прафесіяналаў відавочна не задаволіў. Апошняе вынікае з таго, што дыплом І ступені на фінальных спаборніцтвах, якія праходзілі на базе сталічнай 8-й музычнай школы, так і застаўся вакантным. Але трэба адзначыць і тое, што з 18 фіналістаў дыпломамі і граматамі былі адзначаны 11. А гэта значыць, у Мінск усё-такі трапілі лепшыя з лепшых.