— Калі яшчэ год таму Беларусь на конкурсе была прадстаўлена чатырма-пяццю ДШМ,— распавядае выкладчыца Лідскай школы мастацтваў Тэрэса Кедык,— дык гэтым разам іх колькасць стала большай за дзесятак.
Гран-пры “Віфлеемскай зоркі” атрымала (у сваёй узроставай групе) за работу “Споведзь” навучэнка Лідскай ДШМ Настасся Ходырава. Апрача “Крыштальнага храма” ёй уручылі каталогі з малюнкамі і ноўтбук.
Дыпломам ІІ ступені ўзнагароджана за работу “Гефсіманскі” скіт. Напярэдадні Каляд лідская вучаніца Валянціна Федзюкевіч. Дарэчы, дзяўчына апошнім часам паспяхова ўдзельнічае ў міжнародных конкурсах выяўленчага мастацтва: увосень атрымала дыплом на конкурсе “Чэхаў і героі яго твораў”, што ладзіўся ў Таганрогу...
Таксама дыпломам ІІ ступені ўзнагароджана Наталля Орышыч. Дыплом ІІІ ступені атрымаў адзін з наймалодшых вучняў Лідскай ДШМ — Рыгор Марозаў. Перамога ў “Віфлеемскай зорцы” для Наталлі і Рыгора стала першым творчым дасягненнем.
Справаздачная выстаўка была зладжана ў храме Хрыста Збавіцеля ў Маскве. У выставачны каталог, натуральна, увайшлі і творы юных лідскіх мастакоў.
Аляксандр МАЦЫЛЕВІЧ
Ліда