Цягам гэтага часу ладзяцца выстаўкі, дзе прэзентуюцца творы ўсіх відаў і жанраў выяўленчага мастацтва. Іх аўтары — з Гродна, Віцебска, Мінска, Масквы, Санкт-Пецярбурга, Смаленска, Бранска, а таксама з Аргенціны і Ізраіля. Вынікам гэтага сяброўскага праекта стала музейная калекцыя, якая налічвае сёння больш за 900 твораў.
Цяпер у Магілёўскім абласным мастацкім музеі працуе выстаўка трох гомельскіх мастакоў: Святланы Курашовай (акварэль), Ларысы Зуевай (габелен), Віталя Дзенісенкі (жывапіс). Святлана Курашова—ураджэнка Асіповічаў — прапанавала пазнаёміць магіляўчан з творчасцю сваіх калег-мастакоў. У экспазіцыі — 60 работ, а выстаўка будзе працаваць да 24 лютага.