Хрысціянам Беларусі, якія святкуюць Ражджаство Хрыстовае 25 снежня

Дарагія суайчыннікі! Ад усяго сэрца віншую вас з Ражджаством Хрыстовым. Гэтае вялікае свята асвячае жыццё мільёнаў людзей нягаснучым святлом веры, надзеі і любові. У наш няпросты і прагматычны час Ражджаство раскрывае душы насустрач вечным каштоўнасцям дабра і міласэрнасці, натхняе на маральнае самаўдасканаленне і самаадданае служэнне бліжняму. Няхай цяперашнія ўрачыстыя і радасныя дні, якія пераліваюцца яркімі агнямі, стануць для вас сімвалам шчасця і дабрабыту ў надыходзячым годзе, нададуць упэўненасці ў будучым, падораць цяпло сустрэч і сяброўскіх зносін. Няхай сыдуць у мінулае праблемы і крыўды, а ў вашых дамах і сем’ях запануюць згода і дастатак. Няхай у кожнага прымножацца сілы і натхненне для стваральнай працы на карысць нашай цудоўнай Беларусі. Жадаю вам моцнага здароўя, удачы ва ўсіх справах і выдатнага настрою. Вясёлага Ражджаства, дарагія сябры! Прэзідэнт Рэспублікі Беларусь Аляксандр ЛУКАШЭНКА 25 снежня 2009 года