А.Панцюк-Жукоўскі. "Мацярынства". |
У экспазіцыі — трыпціх “Салдаты”, партрэт 93-гадовай маці мастака “Адна, пажаўцелыя лісты”…
Зноў і зноў звяртаецца мастак да тэмы памяці аб ахвярах вайны, аб мільёнах загінуўшых, тэмы цяжкай жаночай долі, апаленай вайной, кааб выказаць павагу і пачуццё неаплатнага абавязку перад старэйшым пакаленнем.
Тэматычныя творы “Раўбіцкая мадонна”, “Мацярынства”, “Пад мірным небам — Маладая Беларусь”, “Ля студні”, “Яблынька”— разважанні мастака аб мацярынстве, спадчыне і будучыні нашай краіны, увасобленай у светлых вобразах маці і дзіцяці, у вобразах хлопчыка і дзяўчынкі, якія імчацца па прасторах роднай Бацькаўшчыны пад мірным небам.
Мастак захапляецца маляўнічасцю прыроды, яго пейзажы выклікаюць успаміны пра родны кут, знаёмыя і блізкія для кожнага непаўторныя беларускія краявіды.
У шэрагу нацюрмортаў мастак услаўляе штодзённае, — тое, што акружае нас з маленства, і велічнае,— тое, што дае нам радасць жыцця— родны Хлеб…
Мастак імкнецца перадаць у сваіх працах цеплыню і павагу да роднай зямлі і яе людзей.
Ул. інф.