А ў сталіцы нашай краіны І этап Рэспубліканскага конкурсу адбыўся ў Заводскім раёне. 2 снежня ў Палацы пазашкольнай работы “Золак” маладыя таленты спаборнічалі ў 8 намінацыях. Па словах начальніка аддзела культуры адміністрацыі Завадскога раёна горада Мінска Ірыны Шугала, найбольш заявак было пададзена на такія намінацыя як “Эстрадныя спевы”, “Сацыяльная рэклама” і “Размоўны жанр”. Колькасць прэтэндэнтаў у намінацыі “Эстрадныя спевы” сапраўды ўражвае: больш за 30 чалавек. На жаль, не было заявак на намінацыі “Жывапіс і графіка”, “Скульптура”, “Дызайн”, “Дэкаратыўна-прыкладное мастацтва”.
Застаецца толькі дадаць, што ўсе перыпетыі гэтага цікавага сталічнага мерапрыемства былі адлюстраваны ў рэпартажах журналістаў СТБ, АНТ, “Вячэрняга Мінска” і “Мінскага кур’ера”.