— Усім удзельнікам будуць накіраваны лісты падзякі, тым жа, хто заняў месцы з першага па трэцяе (іх падзялілі 11 чалавек), прызначаны грашовыя прэміі, — паведамляе ўрач-эпідэміёлаг аддзела прафілактыкі ВІЧСНІД Рэспубліканскага цэнтра гігіены, эпідэміялогіі і грамадскага здароўя Валянціна Быкава. —Работы пераможцаў, па традыцыі, будуць выкарыстаны для друку інфармацыйных матэрыялаў: брашур, лістовак, плакатаў, што пасля будуць распаўсюджаны па розных установах рэспублікі. Аднак і самыя якасныя малюнкі дзяцей з рэгіёнаў стануць узорамі для друку плакатаў у сваіх абласцях.Многія з дасланых работ будуць выкарыстаны для стварэння выстаўкі.
Ацэньвала творы прафесійнае журы на чале з народным мастаком Беларусі, акадэмікам Нацыянальнай акадэміі навук Георгіем Паплаўскім. Ускладзе былі галоўны спецыяліст упраўлення мастацтваў Міністэрства культуры Рэспублікі Беларусь Мікалай Мішчанка, загадчык аддзела прафілактыкі ВІЧСНІД Рэспубліканскага цэнтра гігіены, эпідэміялогіі і грамадскага здароўя Лілія Мялежка, намеснік дырэктара Музея сучаснага выяўленчага мастацтва Канстанцін Федарышкін і дацэнт Беларускай дзяржаўнай акадэміі мастацтваў Уладзімір Васюк.