Культурны цэнтр і беластоцкая “АВВА”

№ 44 (913) 31.10.2009 - 06.11.2009 г

24 кастрычніка ў Беластоку вялікім гала-канцэртам завяршыўся XVI Агульнапольскі фестываль беларускай песні. Каля трох тысяч гледачоў, якія сабраліся ў зале спартыўнага комплексу “Влукняж”, віталі 22 музычныя калектывы — пераможцаў рэгіянальных адборачных этапаў. Сапраўдным святам стаў удзел у канцэрце артыстаў з Рэспублікі Беларусь: Нацыянальнага акадэмічнага народнага хору імя Генадзя Цітовіча, а таксама маладых спевакоў Алены Ланской і Івана Буслая. На мерапрыемстве прысутнічала прадстаўнічая беларуская дэлегацыя на чале з міністрам культуры Паўлам Латушкам. Карэспандэнт “Культуры” пабываў на свяце і паспрабаваў высветліць, чым жа жыве беларуская меншасць у Польшчы.

А "Маланка" спявае!..

Беларусы Польшчы збіраліся на свята песні ў юбілейны, саракавы, раз. Шаснаццатым па ліку Агульнапольскім фестывалі быў адмысловы конкурс, пераможцы якога, па-традыцыі, атрымалі магчымасць выйсці на вялікую агульную сцэну. Вялікае і вельмі складанае ў арганізацыйным сэнсе мерапрыемства зладзілі Беларускае грамадска-культурнае таварыства і Таварыства беларускай культуры ў Польшчы пры актыўным садзейнічанні Пасольства і Генеральнага консульства Беларусі ў Беластоку, фінансавай і творчай падтрымцы Міністэрства культуры Рэспублікі Беларусь. З польскага боку фінансавую падтрымку аказалі Міністэрства ўнутраных спраў і адміністрацыі. Фестываль адбываўся пад ганаровым патранатам маршалка Падляскага ваяводства. Высокі ўзровень мерапрыемства пацвердзілі прывітальныя словы ад беларускага і польскага ўрадаў, якія зачыталі Павел Латушка і кіраўнік Беларускага грамадска-культурнага таварыства Ян Сычэўскі адпаведна. Ад імя Міністэрства культуры нашай краіны быў перададзены камплект сцэнічных касцюмаў для калектываў Беласточчыны. У склад беларускай дэлегацыі ўваходзілі Надзвычайны і Паўнамоцны Пасол Рэспублікі Беларусь у Польшчы Віктар Гайсёнак, член Пастаяннай камісіі па міжнародных справах і нацыянальнай бяспецы Савета Рэспублікі Нацыянальнага сходу Рэспублікі Беларусь Аляксандр Шакуцін, Генеральны консул нашай краіны ў Беластоку Міхаіл Аляксейчык, намеснік старшыні Гродзенскага аблвыканкама Ігар Жук. На канцэрце таксама прысутнічалі дэпутаты польскага Сейма Яўген Чыквін, Яраслаў Матвеюк, Роберт Тышкевіч, прадстаўнікі кіраўніцтва ваяводскага і маршалкоўскага ўпраўленняў Падляскага ваяводства і адміністрацыі горада Беластока, кіраўнікі мясцовых органаў самакіравання.

Дарэчы, у дзень канцэрта адбылася сустрэча беларускай дэлегацыі з Ваяводам і Маршалкам Падляскага ваяводства, а таксама з Архіепіскапам Беластоцкім і Гданьскім, прадстаўнікамі беларускіх нацыянальных арганізацый. Вялікая зала спартыўнага комплексу - магчыма, не самаезручнае месца для музычных выступленняў. Але жадаючых прыйсці на свята беларускай песні, як і кожны год, было так шмат, што ўсе гледачы змясціцца змаглі толькі пад дахам самай вялікай у Беластоку пляцоўкі. Трэба было бачыць, з якім энтузіязмам беларусы Беласточчыны віталі кожнага з удзельнікаў! Адчувалася: гэты фестываль праводзіцца не дзеля "птушачкі". Самадзейныя калектывы "Маланка" (дарэчы, у наступным годзе ён святкуе юбілей), "Крыніца", "Васілёчкі" ды іншыя, а таксама сольныя выканаўцы прыехалі ў Беласток на фінальны канцэрт не толькі з Падляшша, але і з іншых ваяводстваў Польшчы. Сярод удзельнікаў - людзі самых розных прафесій і ўзростаў. Родныя спевы для беларусаў у Польшчы - сродак нацыянальнай самаідэнтыфікацыі. Са сцэны гучала народная і эстрадная беларуская песня, а ў зале - роднае слова... А калі напрыканцы вечара на сцэне з'явіліся выканаўцы з Беларусі, зала патанула ў авацыях. Безумоўна, высокі ўзровень нашых прафесійных музыкантаў не мог не выклікаць самыя станоўчыя эмоцыі. Але ў той вечар галоўнай была нават не музыка, а неверагоднае пачуццё еднасці паміж усімі, хто прыйшоў на канцэрт. Таму сапраўдны гімн фестывалю - знакамітую песню "Люблю наш край" - спяваў не толькі зводны хор удзельнікаў, але і ўся велізарная зала.

/i/content/pi/cult/233/3235/12-2.jpg Культура як лепшы сродак дыпламатыі

- Вельмі важна, каб працягвалася і ўзрастала дапамога для тых, хто захоўвае тут, на Беласточчыне, беларускую нацыянальную спадчыну. І такую дапамогу мы будзем аказваць на ўрадавым узроўні, з боку Міністэрства культуры, на ўзроўні ўстаноў культуры з рэгіёнаў,- падкрэсліў у інтэрв'ю карэспандэнту "К" Павел Латушка. - Для мяне гэта - не пустыя словы, бо сам некалькі гадоў працаваў у Беластоку ў якасці консула, а потым прыязджаў ужо кіраўніком Пасольства, і добра ведаю праблемы мясцовых беларусаў. Менавіта праца ў накірунку культуры дазваляе развіваць найлепшыя адносіны паміж краінамі. Спадзяюся, Культурны цэнтр Беларусі ў Беластоку будзе актыўна спрыяць такому развіццю. Вельмі важна, каб ягоная праца была напоўнена рэальнымі справамі. Культура - імідж дзяржавы за мяжой, таму патрэбна старацца найлепшым чынам паказвацьяе ў іншых краінах. Безумоўна, трэба больш інтэнсіўна супрацоўнічаць з нашымі бліжэйшымі суседзямі. Магчымасці для гэтага далёка не выкарыстаны.

- Культурны цэнтр Беларусі ў Беластоку існуе толькі год, - распавёў нашаму карэспандэнту кіраўнік Цэнтра, саветнік Пасольства Рэспублікі Беларусь у Рэспубліцы Польшча Аляксандр Карачун. - Але мы ўжо паспелі правесці шэраг цікавых мерапрыемстваў.

Фота Юрыя ІВАНОВА

Генеральнае Консульства Рэспублікі Беларусь у Беластоку, дзе месціцца Культурны цэнтр Беларусі.

Хор “Куранты” (Бельск Падляскі) пад час наведвання фестывалю “Вянок Дружбы” у Бабруйску.

Падзяліцца