Лепшыя салісты і калектывы мяркуецца вызначаць па трох намінацыях: "Эстрадны вакал", "Акадэмічны вакал", "Інструментальная музыка (акадэмічная і эстрадная)". У конкурсе бяруць удзел маладыя людзі ад 10 да 25 гадоў. Лепшых вылучаць цягам трох этапаў. Першы (папярэдні адбор) доўжыцца да красавіка 2010 года. Канкурсанты, што прайшлі адбор, запрашаюцца да ўдзелу ў перадачы Першага нацыянальнага канала Беларускага радыё. На другім этапе, цягам красавіка 2010 года, вызначаюцца фіналісты.
На заключным жа гала-канцэрце канкурсанты выступяць у суправаджэнні сімфанічнага аркестра Белтэлерадыёкампаніі. Па выніках канцэрта і галасавання журы будуць вызначаны пераможцы. У намінацыі "Эстрадны вакал" магчыма прысуджэнне спецыяльнага прыза па выніках інтэрактыўнага галасавання. Лаўрэаты конкурсу атрымаюць магчымасць запісаць па два творы ў Вялікай студыі Дома радыё. Кампакт-дыск будзе называцца "Маладыя таленты Беларусі". А творы з яго мяркуецца ўключыць у ратацыі музычных перадач Беларускага радыё.