Як расказала "К" першы намеснік начальніка ўпраўлення культуры Брэсцкага аблвыканкама Тамара Паўлюковіч, у Белавежскай пушчы чакаецца кірмаш мастацкай творчасці з удзелам 150 майстроў з Брэсцкай вобласці, а таксама будзе працаваць лагер рыцараў-паляўнічых. Прыкладна а 12 гадзіне распачнецца ўрачысты канцэрт, прымеркаваны да адкрыцця свята. Цягам усяго дня 3 кастрычніка на "Царскай паляне" Нацыянальнага парку запланаваны выступленні шматлікіх вядомых калектываў і выканаўцаў: Прэзідэнцкага аркестра Рэспублікі Беларусь пад кіраўніцтвам Віктара Бабарыкіна, Нацыянальнага акадэмічнага народнага хору краіны імя Г.Цітовіча, артыстаў беларускай эстрады, Заслужанага аматарскага калектыву "Палешукі" (Іванаўскі раён) і іншых творцаў з Брэсцкай вобласці, калектываў з Расіі, Польшчы і Літвы.