 |
Дзесяць разьбяроў з Гомеля, Добруша, Жлобіна і Петрыкава жылі і працавалі ў СДК з 10 па 14 жніўня. Драўляныя скульптуры выставілі ў Гомельскім абласным цэнтры народнай творчасці. Частка работ адправілася ў вёску Бубноўка Акцябрскага раёна, дзе знаходзіцца рэзідэнцыя гомельскага Дзеда Мароза. Усе ўдзельнікі конкурсу атрымалі дыпломы і падарункі. Першыя тры прызы дасталіся гамяльчаніну Віктару Расолаву, Аляксею Батану з Петрыкава і Мікалаю Ляшкову з вёскі Жгуні, дзе і ладзілася "Ажылая старына". Апошні займаецца мастацкай апрацоўкай дрэва цягам ужо дзесяці гадоў. Сем з іх - вучыць дзяцей. Мікалай Ляшкоў упэўнены: "Традыцыі драўлянай скульптуры захоўваюцца ў нас з вялікім стараннем. Майстэрства пераймаюць школьнікі, яны робяць такія цуды, на якія і я не здатны.... Конкурс вызначыў прафесіяналаў, а ім, што вельмі радуе, падрастае ў нашым раёне годная змена".
На здымку: Мікалай Ляшкоў са сваімі работамі.