У свой час майстар пачынаў з невялічкіх пейзажаў, паступова прызвычаіўся да больш маштабных палотнаў… Яўген Пятровіч упэўнены, што пенсійны ўзрост — творчасці не перашкода. А ягоныя персанальныя выстаўкі ў Верамейскім сельскім Цэнтры культуры сталі традыцыйнымі.
У час летніх школьных вакацый запрашаюць мастака ў іншыя ўстановы культуры Чэрыкаўшчыны. Напрыклад, выстаўку-прэзентацыю ўласных карцін “Пейзажы беларускай прыроды” наладзіў Яўген Пятровіч у Рэчыцкім сельскім доме культуры. Сустрэлі яго ўдзельнікі мясцовага гуртка “Юны мастак”. Са школьнікамі Юліяй Кіркор, Ленай Емяльяненка, Мішам Жмакіным, Уладам Левусавым, Насцяй Лучкінай, Сашай Барадулінай мастак правёў майстар-клас.
На здымку: самадзейны мастак Яўген Быкадораў з аграгарадка “Верамейкі” Чэрыкаўскага раёна. Фота аўтара