Днямі Цімафей Сцяпанавіч завітаў у рэдакцыю нашай газеты - і мастакоўскае захапленне заззяла яшчэ адной незвычайнай гранню. Аказваецца, мастак шукае "натуру" для сваіх работ на... старонках "Культуры". Знаёміцца са зместам артыкулаў і інтэрв'ю, выбірае асобу, якая падаецца яму адметнай у праявах чалавечых і творчых талентаў,- і робіць з газетных фотаілюстрацый партрэты.
Цімафей Сцяпанавіч прынёс да нас два апошнія творы: з выявамі выпускніцы Гомельскага мастацкага вучылішча Юліі Супічэнка - мастачкі і адной з фіналістак VI Нацыянальнага конкурсу прыгажосці "Міс Беларусь2008", і піяністкі, лаўрэата міжнародных конкурсаў у Беларусі, Польшчы, Францыі, Італіі Вольгі Сцяжко, пра якіх "К" сёлета пісала.
Партрэты гэтыя аўтар пакінуў у рэдакцыі і папрасіў праз газету звярнуцца да іх гераінь: карціны належаць вам, прыязджайце і забірайце!
На здымку: Цімафей Зелянко са сваімі работамі паводле публікацый "Культуры".
Фота Пятра ОВАДА