У гэтым жа стылі будзе вытрыманы і новы корпус глядзельнай залы, разлічанай на 200 чалавек. Пры ўзвядзенні сцэны ў новым будынку выкарыстоўваюць самыя сучасныя тэхнічныя рашэнні. Для яе будзе закуплена новае светлавое і гукавое абсталяванне. Пад глядзельнай залай размесцяцца майстэрні, дзе наладзяць вытворчасць лялек і дэкарацый для спектакляў.
Магілёўскі абласны тэатр лялек зможа прыняць гледачоў у наступным годзе. Пакуль жа трупа тэатра працуе на прыстасаванай Малой сцэне Палаца культуры вобласці, а таксама займае дзевяць памяшканняў у розных частках горада, дзе захоўваюцца дэкарацыі, інвентар.