Арганізатарамі сімпозіума выступаюць Міністэрства культуры Рэспублікі Беларусь і Міжнароднае музыказнаўчае таварыства. Сярод тэм, прапанаваных для грунтоўнага і ўсебаковага абмеркавання, - традыцыйныя музычныя культуры ў прасторы і часе, творчасць Д.Шастаковіча і яго сучаснікаў, І.Стравінскага, сучасныя музычна-выдавецкія праекты. Усяго будзе прачытана каля 40 дакладаў.
Адбудуцца прагляды фальклорных стужак Зінаіды Мажэйка "Пранясі, Божа, хмару", Іны Назінай "Галасы зямлі маёй" і фільма Аляксандра Сакурава "Альтовая саната. Дзмітрый Шастаковіч".
Удзельнікі сімпозіума наведаюць з экскурсіямі нашу Нацыянальную бібліятэку, Беларускі дзяржаўны музей народнай архітэктуры і побыту, Музей старабеларускай культуры Нацыянальнай акадэміі навук. У фае Акадэміі музыкі ў дні працы сімпозіума будзе арганізавана тэматычная выстаўка мастацкіх работ студэнтаў і педагогаў Беларускай дзяржаўнай акадэміі мастацтваў.