“Бе-La-Русь” ля Кургана дружбы

Па традыцыі, палатачны гарадок ля Кургана Дружбы засялілі каля 600 удзельнікаў маладзёжных арганізацый і рухаў трох краін. Арганізатары лагера — Беларускі рэспубліканскі саюз моладзі, Расійскі саюз моладзі, Саюз за прагрэс моладзі Латвіі. 31 ліпеня была распачата творчая праграма, распрацаваная згодна з праграмай маладзёжнага міжнароднага супрацоўніцтва, мэта якой — умацаванне і развіццё сяброўскіх стасункаў паміж юнакамі і дзяўчатамі трох краін. У чарговы раз красамоўна было даказана, што кожны з гасцей — адмысловы артыст. Над палатачным гарадком гучалі антыкрызісныя прыпеўкі, пад адкрытым небам ладзіліся разнастайныя канцэрты, прайшоў песенны фестываль.