У цырымоніі адкрыцця прынялі ўдзел аўтары твораў - вядомыя беларускія скульптары В.Капач, В.Панцялееў, А.Вараб'ёў, Е.Злоціна, А.Старавойтава, прадстаўнікі гарадскога кіравання, інтэлігенцыі Беластока, беларускай нацыянальнай меншасці, супрацоўнікі Генеральнага консульства Рэспублікі Беларусь. Экспазіцыя прадоўжыцца да сярэдзіны жніўня 2009 года. Гэтымі ж днямі мастацкія калектывы Брэсцкага раёна, у межах развіцця рэгіянальнага супрацоўніцтва ў гмінах Вішніцэ і Канстанцінаў Бяльскага павета, удзельнічалі ў Днях славянскай культуры. У прыватнасці, у Польшчы Беларусь прадстаўлялі народны ансамбль "Дабравест", групы "Лагуна", "Спадчына", "Шакалад" і баяністы браты Круцікавы. Як адзначаюць у прэс-службе айчыннага пасольства ў Рэспубліцы Польшча, у выкананні мастацкіх калектываў прагучалі песні беларускіх кампазітараў, дэманстраваліся нацыянальныя танцы.
Ул. інф.