|
Як паведамілі карэспандэнту "К" у Ізраільскім культурна-інфармацыйным цэнтры, упершыню пабываюць на фэсце салісты Новай ізраільскай оперы Фелікс Ліўшыц і Мірэла Градзінару. 14 ліпеня ў Віцебскай абласной філармоніі адбудзецца канцэрт зорак ізраільскай оперы "Мамеле" ("З любоўю"). Аматары опернага мастацтва пачуюць у выкананні артыстаў арыі з опер, дуэты з аперэт, папулярныя песні на дванаццаці мовах свету. Пабывае ў Віцебску і танцавальны ансамбль "REEM". Усе разам ізраільскія артысты прадэманструюць сваё мастацтва ў канцэрце, які мае назву "Мелодыі сяброў".
На здымку: Фелікс Ліўшыц і Мірэла Градзінару.