 |
| Прэзідэнт Рэспублікі Беларусь Аляксандр Лукашэнка на шэсці ў Дзень Перамогі. |
Актывісты абедзвюх арганізацый у кожнай вобласці Беларусі наведалі ветэранаў Вялікай Айчыннай вайны і папрасілі напісаць іхнія імёны і прозвішчы, воінскія фарміраванні і гады, калі ваявалі на фронце, пажаданні наступным пакаленням і пакінуць свае аўтографы на кавалках чырвонай матэрыі 20 х 20 сантыметраў, - расказаў "К" Павел Ягораў, намеснік загадчыка аддзела праграмнай дзейнасці ГК БРСМ. - Пасля гэтыя каштоўныя кавалкі тканіны сшываліся і такім чынам атрымалася 7 вялікіх палотнішчаў - па колькасці абласцей Беларусі і горада Мінска. А 22 чэрвеня яны былі з'яднаны ў адно вялікае палотнішча Перамогі, якое было перададзена на Кургане Славы Беларускаму дзяржаўнаму музею гісторыі Вялікай Айчыннай вайны. Палотнішча Перамогі плануецца задзейнічаць у святочных мерапрыемствах, прысвечаных 65-годдзю з Дня вызвалення Беларусі ад нямецка-фашысцкіх захопнікаў, у сталіцы нашай Радзімы - горадзе-героі Мінску.
Юрый ЧАРНЯКЕВІЧ