— Свой новы твор, да прыкладу, — расказаў дырэктар, мастацкі кіраўнік капэлы А.Шут, — даслаў нам Сяргей Хвашчынскі. Упершыню прагучыць у Мінску партытура Андрэя Бандарэнкі “На рэках Вавілонскіх” для хору і віяланчэлі (дагэтуль яна выконвалася толькі ў Гродне), падрыхтаваная сумесна з тамтэйшай капэлай імя Антонія Тызенгауза і групай сучаснай харэаграфіі “ТАД”. Акрамя таго, прагучаць творы Алены Атрашкевіч, Сяргея Бельцюкова, Алега Хадоскі.
Узгадаем мы і беларускія духоўныя творы мінулых дзесяцігоддзяў — таго ж Аляксея Туранкова. Прагучыць і руская класіка Дзмітрыя Бартнянскага, і заходнееўрапейская — “Stabat mater” Джаакіна Расіні, выкананне якога складзе асобны канцэрт.
Дарэчы, саліраваць у гэтым найскладаным творы будуць, акрамя нашай Таццяны Пятровай, вядучыя артысты Беларускай оперы — Наталля Афініна і Янаш Нялепа, а таксама таленавіты студэнт 5-га курса Беларускай дзяржаўнай акадэміі музыкі Канстанцін Батурын.
Н.Б.