Асноўнымі накірункамі гутаркі сталі правы і адказнасць прэсы, новы закон аб СМІ, узаемаадносіны ўлады, журналістаў і грамадства. Важным аспектам “круглага стала” стала абмеркаванне закона аб СМІ, які ўступае ў дзеянне з 8 лютага.
“Новы закон аб СМI не накiраваны ў прынцыпе на так званую зачыстку медыйнай прасторы. Нiколi гэта мэта не стаяла, яна i не будзе стаяць”, — адзначыла першы намеснiк кiраўнiка Адмiнiстрацыi Прэзiдэнта Рэспублікі Беларусь Наталя Пяткевiч. Таксама яна падкрэсліла, што гэты закон трэба не дамысліваць, а чытаць, што ў ім напісана. Такім чынам, паводле слоў Н.Пяткевіч, магчыма пазбегнуць ажыятажу вакол гэтага закона па надуманых, цалкам штучных прычынах.
Пры падрыхтоўцы новага закона быў выкарыстаны вопыт Беларусі і замежных краін. Мiнiстр iнфармацыi Уладзiмiр Русакевiч падкрэсліў, што “пры прыняццi новага закона былi разгледжаны i ў большасцi выпадкаў улiчаны прапановы грамадскiх арганiзацый, якiя маюць розныя погляды на праблему”.
Н.Пяткевіч таксама паведаміла, што распрацаваны дакумент, які рэгламентуе дзейнасць прэс-служб і прэс-сакратароў органаў дзяржаўнай улады. Ён пашырыць поле кантактаў улады і прэсы.
Каменціруючы заўвагi, звязаныя з доступам да iнфармацыi, яе распаўсюджваннем, акрэдытацыяй журналiстаў, першы намеснік кіраўніка Адміністрацыі Прэзідэнта сказала: “Як чыноўнiк, якi мае ў падпарадкаванні пэўных асоб, я лiчу, што гэта абсалютна правiльна, калi людзi, якія займаюць нiжэйстаячыя пасады, маюць права каменціраваць толькi па ўзгадненнi з кiраўнiцтвам. Не для таго, каб забаранiць, а таму што яны не валодаюць усёй iнфармацыяй і часта не могуць выдаць аб’ектыўную, дакладную iнфармацыю...” Яна зрабiла акцэнт на тым, што закон скiраваны не на абмежаванне доступу да iнфармацыi, а на ўпарадкаванне яе распаўсюджвання.
Удзельнікамі пасяджэння была асобна адзначана роля нядаўна створанага Грамадскага каардынацыйнага савета ў сферы сродкаў масавай інфармацыі. Як падкрэсліў яго старшыня, галоўны рэдактар газеты “Советская Белоруссия” Павел Якубовіч, гэты Савет дае магчымасць шукаць ісціну ў дыскусіях і пазбягаць канфрантацыі.
Як адзначыла Н.Пяткевiч, “тая карысць або шкода, якую можа прынесцi прэса, непараўнальная нi з якiм iншым iнструментарыем, што патэнцыяльна можа быць задзейнiчаны дзяржаўнай уладай. Загаловак навіны можа ўдарыць куды мацней, чым любое рашэнне органа дзяржулады”. Н.Пяткевіч падкрэсліла: “Мы павiнны зыходзiць з трыадзiнства правоў, абавязкаў i адказнасцi”.
На здымку: пасяджэнне “круглага стала”.
Фота Генадзя ЖЫНКОВА, БелТА