Фота: osh.by
Аб праграме сёлетніх "Сустрэч..." расказвае дырэктар Ашмянскага раённага цэнтра культуры Марына Палсцюк:
— Мы актыўна працуем з наведвальнікамі Гальшанскага замка. Для турыстычных груп, пераважна гэта дзеці, ладзім тэатралізаваныя праграмы, развучваем з імі сярэдневяковыя танцы і бавім час за старадаўнімі гульнямі. Аб’ект прыцягвае шмат наведвальнікаў. У маі, напрыклад, ужо распісаны амаль кожны дзень. І яшчэ больш гасцей прыцягнуць у гістарычнае месца “Вечары ў Соф’і Гальшанскай”.
Адкрые праграму пленэр “Малюем гісторыю разам”, які зладзіць дзіцячая школа мастацтваў. Далей адбудзецца ўрачыстае адкрыццё і тэатралізаванае прадстаўленне. Яно прысвечана 600-годдзю з моманту заключэння шлюбу паміж Соф’яй Гальшанскай і Ягайлам. Таксама парадуем гасцей рыцарскімі турнірамі, майстар-класамі па сярэдневяковых танцах, музычнай праграмай і вогненным шоу. Завершыцца свята імпрэзамі ў рамках міжнароднай акцыі “Ноч музеяў”. І падобныя вечары будзем ладзіць на працягу ўсяго летняга сезона. Яго фіналам мусіць стаць фэст “Гальшанскі замак” — сапраўдны культурны брэнд нашага раёна.