Тэма выступу міністра мела назву “Канстытуцыя Рэспублікі Беларусь — палітыка-прававы фундамент адзінства народа і яго сацыяльнай абароненасці”. Анатолій Маркевіч распавёў аб этапах станаўлення нашай дзяржавы як суверэннай краіны і вядучай ролі ў гэтым Галоўнага закона. Нагадаў аб рэферэндумах, якія праводзіліся ў 1995, 1996 і 2004 гадах, спыніўся на будучых зменах у Асноўны закон, якія будуць выносіцца на рэферэндум 2022 года.
Па словах генеральнага дырэктара Беларускай дзяржаўнай філармоніі Аляксандра Нікіты, выступ быў цікавы, сустрэча прайшла ў добразычлівай цёплай атмасферы, слухачы не былі абмежаваны нейкімі рамкамі і мелі магчымасць задаць пытанні на самыя розныя тэмы, кшталту заробкаў, вакцынацыі, жылля. То-бок міністр дасканала адказаў і на тыя надзённыя пытанні, якія хвалююць грамадзян нашай краіны.