Штотыднёвая грамадска-асветнiцкая газета
Выдаецца з кастрычнiка 1991 года
Наш Рушнік, які яднае і аберагае
Святкаванне Купалля — старажытная беларуская традыцыя, якая беражліва захавана і ўшанавана ў нашай краіне. Самая незвычайная ноч у годзе, якая прысвечана летняму сонцастаянню і росквіту прыроды, кожны год яскрава адзначаецца ў Александрыі. Аграгарадок Шклоўскага раёна за гэты час стаў візітнай карткай аднаго з найстарадаўнейшых народных свят. Сваіх сяброў Александрыя збірае і сёлета. Купалле ў гэтым годзе святкуюць традыцыйна — на беразе ракі Дняпро, якая са старажытных часоў згуртоўвае тры ўсходнеславянскія народы. Асноўная пляцоўка свята разгортваецца менавіта каля маста, які яднае не толькі два населеных пункта — Александрыю і Копысь, але і две вобласці — Магілёўскую і Віцебскую. Усе гэтыя сімвалы набылі новы сэнс, улічваючы тое, што 2021 год быў абвешчаны Годам народнага адзінства.
Радзіма — галоўная крыніца натхнення
На пытанні "К" аб жыцці і актыўнасці нашых землякоў у Латвіі адказвае кіраўнік рыжскага беларускага таварыства “Прамень” і старшыня Саюза беларусаў Латвіі Алена Лазарава.
Сядзіба Цюндзявіцкіх у Галошаве пад аховай дзяржавы
З вясны 2019 года рэдакцыя нашай газеты з трывожнай зацікаўленасцю сачыла за лёсам сядзібы, якая атрымала асабістае імя “Беларускі Манчэстэр”. Мы рабілі гэта не проста ў задуменні прыклаўшы далонь да ілба, а маніторылі стан сядзібы падчас выездаў на аб’ект. І ў межах сваіх магчымасцяў прыкладалі пэўныя намаганні для захавання гэтага ўнікальнага для нашай краіны аб’екта (гл. “К” — №№ 16, 2019 і 13,24, 2021). Сёння ў нас для нашых чытачоў, нарэшце, добрая навіна. 23 чэрвеня 2021 года сядзіба афіцыйна ўзята пад ахову дзяржавы. Праўда, пакуль яшчэ мы не будзем спяшацца пераносіць адсюль святло нашага “Культура”ўскага пражэктара на іншыя аб’екты. Галошава застанецца пад нашай апекай і надалей.
Іншы час, іншае мастацтва
Кафедра манументальна-дэкаратыўнага мастацтва нашай мастацкай акадэміі не магла застацца ў баку ад нацыянальнага фестывалю “Манумент 21”. Бо менавіта ў гэтай навучальнай установе і на гэтай кафедры рыхтуюцца прафесіяналы, якія мусяць умацоўваць патэнцыял беларускай мастацкай школы і развіваць яе традыцыі.
Адным словам — магія
У цэнтры сталіцы адкрылася новая галерэя сучаснага мастацтва “Арт Фабрыка”. Адным з яе першых мерапрыемстваў стала выстава Opus Magnum. Initium, дзе жывапіс Уладзіміра Кандрусевіча-малодшага спалучаўся з вершамі і прэзентацыяй балета паводле яго карцін. Праект атрымаўся міжнародным: аўтарам ідэі выступіла грузінская рэжысёр Тэкла Гелбахіяні, якая запрасіла да супрацоўніцтва грузінскага кампазітара і беларускага харэографа.
Фэст для таты
На пачатку 1980-х нам, маладым веткаўскім газетчыкам, мастадонты ад журналістыкі прыводзілі вось які прыклад прафесіяналізму: “Прыехаў са сталіцы спецкар. Мэта: напісаць нарыс пра камбайнера. Дык як сеў той журналіст у кабіну да хлебароба, так да абеду і не вылазіў. Камбайн на жытнёвым палетку шчыруе, а ў кабіне два профі гутарку вядуць… У выніку матэрыял як звон атрымаўся. Вучыцеся!” Мы вучыліся. Вельмі хутка зразумелі, што прыклад — не надта красамоўны. Журналіст сеў у кабіну, каб хлебаробу замінаць, а той высокаму госцю адмовіць не змог, а таму палову рабочага дня працаваў са стратамі. Мы высвятлялі ў агранома: пэўная доля ўраджаю так на ржышчы і засталася. Cпакваля ў мяне сфармавалася сваё бачанне прафесіяналізму. Гузакоў пры гэтым набіў шмат, але пераканаўся: каб зазірнуць у душу чалавеку, неабавязкова хадзіць за ім тыдзень ці месяц. Дастаткова ў вочы паглядзець, на рукі, на вынік працы, паслухаць як будучы герой нарыса пра жонку распавядае, пра дзяцей, пра вясковыя праблемы. З усяго гэтага партрэт пакрысе і складаецца. І свой канкрэтны прыклад прафесіяналізму ў мяне назапасіўся.
Таямніцы Яна Чачота
Наш зямляк, філамат, паэт-рамантык і пачынальнік новай беларускай літаратуры… 17 ліпеня Беларусь адзначыць 225-ю гадавіну нараджэння славутага наваградца Яна Чачота. Сёння наш расповед пра род Чачотаў, сям’ю, дзіцячыя і студэнцкія гады класіка.
З пажаданнем удачы на віцебскай сцэне!
Міжнародны фестываль мастацтваў “Славянскі базар у Віцебску” распачнецца 14 ліпеня — сёлета ён будзе юбілейным, 30-м па ліку. Традыцыйна ў яго межах пройдуць дарослы і дзіцячы конкурсы выканаўцаў эстраднай песні. Са сваімі прадстаўнікамі ў конкурсе Беларусь вызначылася яшчэ ў сакавіку, калі ў Барысаве прайшоў фінал нацыянальнага адборачнага тура. Такім чынам, сёлета нашу краіну ў песенных спаборніцтвах “Славянскага базару ў Віцебску — 2021” будуць прадстаўляць двое мінчан: 20-гадовы Данііл Мышкавец і 13-гадовы Канстанцін Мазуркевіч, абодва ў фінале нацыянальнага адбору выступілі пераканаўча і перамаглі іншых канкурсантаў упэўнена. З гэтымі маладымі артыстамі, якіх пакуль не назавеш вядомымі, мы зараз і пазнаёмімся. Удзел у “Славянскім базары ў Віцебску” — сапраўдны шанс праславіцца.
Адкрыты фармат дысертацыі
Беларускі дзяржаўны ўніверсітэт культуры і мастацтваў — гэта, як вядома, не толькі ўстанова адукацыі, але і буйны навуковы цэнтр, дзе ажыццяўляецца навукова-даследчая праца, арганізуюцца міжнародныя, рэспубліканскія навуковыя і навукова-практычныя канферэнцыі, у тым ліку і студэнцкія, умацоўваюцца і развіваюцца навуковыя сувязі паміж айчыннымі і замежнымі даследчыкамі ў сферы культуры і мастацтва. Пра навуковы аспект працы БДУКМ, супрацоўніцтва з рэгіёнамі, міжнароднае супрацоўніцтва ды многае іншае “К” пагутарыла з прарэктарам па навуковай рабоце Беларускага дзяржаўнага ўніверсітэта культуры і мастацтваў Аленай КОРСАКАВАЙ.
Сцвярджае выключнасць, індывідуальнасць, патэнцыял
Значную ролю ў справе адраджэння нацыянальнай культуры, прапаганды яе здабыткаў, збірання і распаўсюджвання фальклорна-этнаграфічнай спадчыны адыгрывае рэспубліканскі конкурс “Бібліятэка — асяродак нацыянальнай культуры”. Сёння конкурс — гэта не толькі пацвярджэнне выключнасці і індывідуальнасці бібліятэк, дэманстрацыя дасягненняў, але і абмен вопытам, самаацэнка сваёй работы, адкрыццё новых гарызонтаў, прыцягненне карыстальнікаў, стымул для творчасці і прафесійнага росту бібліятэкараў.
Унутраная раўнавага” Льва Гумілеўскага —
пад такой назвай у “Культуры” быў апублікаваны артыкул заслужанага дзеяча мастацтваў Беларусі Барыса Крэпака. Праз вытрымкі з яго мы згадаем некаторыя вехі творчага шляху народнага мастака Беларусі, лаўрэата Дзяржаўнай прэміі краіны, лаўрэата прэміі Саюзнай дзяржавы Льва Гумілеўскага.
След гераічных канспіратараў
80-годдзе з дня нападу нацысцкай Германіі на Савецкі Саюз — гэта яшчэ адна нагода ўзгадаць не толькі пра трагедыю першых дзён вайны на беларускай зямлі, але і пра пачатак гераічнага супраціву акупантам, у які адразу ж уключыліся шматлікія нашыя суайчыннікі, незалежна ад узросту, нацыянальнасці альбо роду заняткаў. Адной з найбольш вядомых старонак барацьбы супраць гітлераўцаў у Беларусі была дзейнасць мінскага патрыятычнага падполля. Вядомых — але ці добра знаёмых? Наколькі добра мы ведаем гісторыю падполля, і як можна зрабіць памяць аб яго героях больш заўважнай у гарадскім асяроддзі?
Сайт переехал на новый адрес – kultura-info.by

Новы нумар

Рэдакцыйна-выдавецкая ўстанова
"Культура і мастацтва"

© 2007 - 2024 «Культура». Зроблена ў «Вэбпрофі»