Партал pravo.by (19.04.2021) паведамляе, што Указам вызначана, на што накіроўваюцца сродкі рэспубліканскага бюджэту, якія выдзяляюцца Міністэрству культуры на кінематаграфію. Сярод кірункаў:
• вытворчасць фільмаў у гульнявой, негульнёвай, анімацыйнай і змяшанай формах, уключаючы іх рэкламу, выраб лічбавага фармату фільмаў, выраб копій фільмаў для здачы ў архіў, а таксама вытворчасць кіналетапісаў;
• стварэнне і экспертыза літаратурных сцэнарыяў фільмаў, набыццё маёмасных правоў на літаратурныя сцэнарыі фільмаў;
• субцітраванне, дубляванне і (або) ціплакаментаванне фільмаў на дзяржаўныя і замежныя мовы;
• прадастаўленне субсідый дзяржаўным арганізацыям кінематаграфіі, якія ажыццяўляюць вытворчасць фільмаў.
Міністэрства культуры вызначае аб’ём сродкаў рэспубліканскага бюджэту, што накіроўваюцца на вытворчасць фільмаў:
• для нацыянальных, дэбютных і аўтарскіх фільмаў, кінаальманахаў студэнцкіх фільмаў, фільмаў для дзіцячай і юнацкай аўдыторыі, кіналетапісаў — да 100 працэнтаў (уключна) сродкаў ад кошту фільма, кіналетапісу;
• для фільмаў, якія не ўвайшлі ў вышэйпаказаную катэгорыю, — да 70 працэнтаў (уключна) ад кошту фільма.
Прававым актам прадугледжана і зацвярджэнне Палажэння, якім устаноўлены парадак і ўмовы накiравання сродкаў рэспубліканскага бюджэту на фінансаванне вытворчасці фільмаў, кіналетапісаў, размеркавання маёмасных правоў на фільмы, кіналетапісы, а таксама прадастаўлення субсідый дзяржаўным арганізацыям кінематаграфіі, выпадкі наступлення адказнасці за выкарыстанне сродкаў з парушэннем бюджэтнага заканадаўства.
Асноўныя палажэнні Указа ўступаюць у сілу праз тры месяцы пасля яго афіцыйнага апублікавання.
Таксама 16 красавіка было падпісана распараджэнне Кіраўніка дзяржавы № 72рп “Аб мерах па падтрымцы рэспубліканскага ўнітарнага прадпрыемства” Нацыянальная кінастудыя “Беларусьфільм”. Дакументам рэгламентуецца вылучэнне кінастудыі зваротнай бюджэтнай пазыкі, якая будзе накіравана на ўдасканаленне дзейнасці прадпрыемства.