Гэты стэрэатып перакрэслівае праект “Тэхна -арт” мастацкай галерэі “Універсітэт культуры”. 26 верасня распачала працу пятая, юбілейная, выстаўка з серыі гэтага праекта — “Пяты элемент” .
“Мэта выстаўкі — паказаць, што тэхнаарт — не навіна для нашай краіны і ўжо заняў пачэснае месца ў беларускім мастацтве, — расказвае куратар праекта, дырэктар галерэі Дзяніс Барсукоў. — На экспазіцыі прадстаўлены творы каля паўсотні ўдзельнікаў, сярод якіх — як студэнты, навучэнцы мастацкіх устаноў, так і вядомыя творцы: Уладзімір Цэслер, Вадзім Качан, Андрэй Шчукін, Валерый Вядрэнка, Аляксандр Шчэпетаў, Сяргей Стальмашонак, Дар’я Іваноўская, Андрэй Капуснікаў, Сяргей Ждановіч”.
Сучаснае тэхнамастацтва развіваецца ў двух накірунках. Першы — стварэнне твораў, галоўным аб’ектам якіх з’яўляецца тэхна-асяроддзе. Часцей за ўсё гэта жывапісныя, графічныя працы, а таксама арт-аб’екты. Але найчасцей сустракаецца другі накірунак — калі мастацкі твор ствараецца з дапамогай сучасных тэхналогій. Такім чынам, калі мастак стварае 3D-анімацыю, выкарыстоўвае пры апрацоўцы фотаздымкаў лічбавы мантаж ці камп’ютэрную графіку, ён — прыхільнік новай мастацкай плыні. І мала хто з сучаснікаў ігнаруе такія зручныя рэчы, як лічбавая тэхніка, камп’ютэр.
Дык можа, развіццё і пашырэнне тэхналогій — з’ява станоўчая і для мастацтва, і пужацца яе не варта?..
Дар’я ДАНІЛЕВІЧ