На ўрачыстым мітынгу намеснік міністра культуры Рэспублікі Беларусь Віктар Кураш адзначыў, што высокія інфармацыйныя тэхналогіі не заменяць традыцыйную кнігу. Разам з укараненнем у работу бібліятэк Інтэрнэта будзе няўхільна павялічвацца і бібліятэчны фонд, падкрэсліў Віктар Кураш.
Паводле слоў намесніка міністра культуры, у апошнія гады дзяржава накіроўвае шмат сродкаў на ўдасканаленне матэрыяльна-тэхнічнай базы бібліятэкі. Ён падзякаваў бібліятэкарам за прапаганду любові да кнігі.
Ва ўрачыстасцях каля Нацыянальнай бібліятэкі Беларусі прынялі ўдзел прадстаўнікі Міністэрства культуры краіны, Мінгарвыканкама, бібліятэчнай грамадскасці, а таксама творчых калектываў Беларускага дзяржаўнага універсітэта культуры і мастацтваў.Нагадаем, што Дзень бібліятэк быў устаноўлены Указам Прэзідэнта Рэспублікі Беларусь 15 верасня 2001 года, калі распачалося будаўніцтва новага будынка Нацыянальнай бібліятэкі.
Наш кар.