Паводле слоў Алены Прохаравай, каштоўны помнікспадчыны, якому больш за 100 гадоў, павалілі кранам. Але звезці млын не атрымалася — падвяла тэхніка. І ці будзе ён зноў усталяваны на тым самым месцы, дзе стаяў, — вялікае пытанне.
— Замест таго, каб пракласцi толькi два кіламетры дарогi, каб працягнуць турыстычны маршрут Драгiчын — Бездзеж — Леснiкi, — абураецца Алена Прохарава.
Як адзначыла мясцовая жыхарка, вядомая захавальніца
фальклору Валянціна Лук’яновіч, сутнасць справы ў наступным: калісьці гэты млын належаў адной з жыхарак вёскі. Не так даўно ці сама яна, ці яе спадчыннікі прадалі вятрак прыватніку, які і паспрабаваў “авалодаць” сваёй маёмасцю пры дапамозе крана. Вяскоўцы лічаць такія дзеянні неправамернымі і нават звярнуліся ў праваахоўныя структуры.
Як распавёў “К” начальнік аддзела ідэалагічнай работы, культуры і па справах моладзі Драгічынскага райвыканкама Леанід Куроўскі, пакуль што справа з млыном у вёсцы Леснікі яшчэ не вырашана: ужо ў самым хуткім часе адбудуцца перамовы з новым уласнікам. Мы будзем сачыць за развіццём падзей.