У кожным з раёнаў Беларусі жывуць прадстаўнікі розных нацыянальнасцей, таму вопыт фэсту можа прыдацца і пад час правядзення такой формы маладзёжнага адпачынку, як этна-дыскатэка. Спецыяльна для нумара “К” з дыскатэчным кантэкстам арганізатарамі гродзенскага свята прадстаўлены эксклюзіўны сцэнарый будучага балю народаў.
14 чэрвеня 2008 г.
21.30 — 24.00
Плошча Савецкая
У 21.00 гучыць дыктарскі тэкст:
Горад наш старажытны, прыгожы
Зноў расквеціўся фарбамі свята,
І адвечныя сцены Каложы
Бласлаўляюць любога, як брата.
Мноства моў, разнастайнасць адзення —
Гэта сведчанне значнай падзеі:
Сёмы раз на памежжы заходнім
Фестываль прызямліўся ў Гародні.
Гучаць фанфары.(Без аб’явы.) На сцэне — народная эстрадная студыя сучаснай харэаграфіі “Мадэрн”, беларускі танец (у стылі фольк-мадэрн) ”Фестывальная зорка”.Пасля танца на сцэну выходзяць вядучыя ў стылізаваных беларускіх касцюмах.І вяд.: Беларусь — наша сонца,
Дарагая і родная маці!
Дала радасць усім нам
Шчаслівага дня дачакаці!
ІІ вяд.: Ізноў гасцінна дзверы расчыніла,
Сяброў ты, быццам маці, прыняла,
На розных мовах з імі гаманіла,
На фэст у Гродна прывяла.
І вяд.: Добры вечар, госцейкі жаданыя,
З усёй Беларускай зямлі сазваныя!
ІІ вяд.: Вечур добры паньству!
І вяд.: Здоровенькі булы!
ІІ вяд.: Лабас вакарас!
І вяд.: Шалом алейхем!
ІІ вяд.: Лаба дэна!
І вяд.: Салам алейкум!
ІІ вяд.: Буна зівуа!
І вяд.: Гутэн так!
ІІ вяд.: Добрый вечер, Гродно!
ІІ вяд.: Сёння ў Гродне — вясёлае свята!
Не сядзіце ж, сябры, у хатах!
На цэнтральнай эстрадзе
Бачыць вас артысты рады!
І вяд.: Усіх на шоу запрашаем!
Паспяваем, пагуляем!
У ахвотку патанцуем!
Настрой добры замацуем!
ІІ вяд.: Зноў віруе фестываль,
Запрашае ўсіх на баль!
Трэба сёмы фэст шчыра павітаць,
Песні ў яго гонар праспяваць!
ІІ вяд.: Праграму нашу час распачынаць!
Весяліся, Гародня!
Гуляць дык гуляць!
(Без аб’явы.) На сцэне — народная вакальная студыя “Раніца” Верцялішскага цэнтральнага дома культуры. Гучыць песня “Любы Гродна”.І вяд.: Дарагія сябры! Сёння лепшыя песні прагучаць у гонар VII Рэспубліканскага фестывалю нацыянальных культур і свята, якое чакае нас наперадзе, — 880-гадовага юбілею горада Гродна.
ІІ вяд.: Таму зараз мы з вамі адправімся ў музычнае падарожжа па чароўнай “Краіне сяброўства”, дзе і адбудзецца наш святочны баль.
І вяд.: Уладкоўвайцейся зручней! Наш фестывальны музычны цягнік адпраўляецца!
У запісе гучаць гукі цягніка. Ідзе аб’ява першага прыпынку:“Прыпынак — станцыя “Беларуская”.
І вяд.: Ганарымся ўсе мы сваёю старонкай,
Беларуссюспрадвеку назвалі яе.
І душа адклікаецца песняю звонкай,
Калі горда народ свае песні пяе.
ІІ вяд.: Першыя госці фестывальнага балю — гродзенскія эстрадныя выканаўцы Ірына Стральцова і Сяргей Мазур.
“Квітней, Беларусь”.І вяд.: На фестывальнай сцэне — эстрадная вакальная група “Забава” Гродзенскага каледжа мастацтваў.
“Ружа-кветка”.І вяд.: Наступныя ўдзельнікі праграмы — калектыў, які вельмі спадабаецца дзяўчатам: мужчынскі вакальны ансамбль “Ваганты” Гродзенскага медыцынскага універсітэта. Спяваем разам з імі!
“Біла дзеўку маці”.ІІ вяд.: Звяртаем увагу хлопцаў, што на фестывальным балі шмат прыгожых таленавітых дзяўчат. Вітайце: вакальны ансамбль Гродзенскага каледжа мастацтва.
“Каліна-ягада”.І вяд.: Дарагія сябры! Сустракайце апладысментамі Аляксандра Солтана і групу сучаснай харэаграфіі “Імпульс”.
Беларуская народная песня “Браціткі”.На сцэну выходзяць вядучыя.І вяд.: Паважаныя гродзенцы, шаноўныя госці! Пакуль артысты наступнай “станцыі” нашага музычнага вандравання рыхтуюцца да сустрэчы з вамі, мы прапануем вам гульнёвую паўзу.
ГУЛЬНЁВАЯ ПАЎЗА. Вядучыя праводзяць фестывальную віктарыну, пераможцы ўзнагароджваюцца прызамі.Потым праводзіцца фестывальны аўкцыён (паліграфічная і іншая прадукцыя з эмблемай фестывалю).У запісе гучаць гукі цягніка. Ідзе аб’ява другога прыпынку:“Другі прыпынак — станцыя “Нацыянальная”.“Мелодыі розных народаў”.
ІІ вяд.: Дарагія сябры! У краіне нашай нікому не цесна,
Кожнаму знойдзецца ўтульнае месца,
Лад тут пануе, пашана і згода,
Добрасуседства розных народаў.
І вяд.: Мы з вамі — на “скрыжаванні Еўропы”, і ў нас заўсёды гучаць розныя мовы. На Беларусі жывуць прадстаўнікі 28 нацыянальнасцей, і ў кожнай з іх — свая самабытная культура, мелодыі, песні і танцы.
ІІ вяд.: Менавіта таму эмблемай нашага фестывалю з’яўляецца шматкаляровая “кветка сяброўства”.
І вяд.: Хай сімвалам яднання паміж намі
Заўсёды толькі музыка гучыць!
Тады мы зразумеем самі,
Што нам няма чаго дзяліць.
ІІ вяд.: Пад небам Беларусі, чыстым і бясконцым,
На розных мовах хай сябры пяюць.
Ў агульнай хаце, што сагрэта сонцам,
Народы розныя ў згодзе хай жывуць!
(Без аб’явы.) Харэаграфічная кампазіцыя з эмблемай фестывалю (калектыў сучаснай харэаграфіі “Імпульс”).І вяд.: Паважаныя гродзенцы, шаноўныя госці! Сёння ў нас ёсць магчымасць пазнаёміцца з мелодыямі розных народаў. Спявайце і танцуйце разам з намі!
І вяд.: Грыгорый Лавыш (эстрадная студыя “Забава”).
“Русская душа” (руская).ІІ вяд.: Святлана Барысевіч.
“Покажи мне свою любовь” (украінская).І вяд.: Гурт “ІН АУТ”.
“Такі дзень” (польская).ІІ вяд.: Саломе Квінчыа.
“Тбілісо” (грузінская).І вяд.: Нэлі Чарвінская. “Папяросы” (яўрэйская).
ІІ вяд.: Анатоль Гібіцкі. “Усходняя легенда”.
І вяд.: Анастасія Паторская, танцавальная група “2+2”. “Любовь навсегда” (нямецкая).
ІІ вяд.: Валянціна Пундзіс. “Уцякай” (польская).
І вяд.: Магамед Асланаў (эстрадная студыя “Забава). “Ой, мама...” (турэцкая).
ІІ вяд.: Група сучаснай харэаграфіі “Імпульс”.
“Шэйкер”, танцавальная кампазіцыя.І вяд.: Марыя Лобач (эстрадная студыя А.Звяровіча), група сучаснай харэаграфіі “Непаседы”.
“Он галуф” (французская).І вяд.: Ірына Стральцова. “Табакерка” (польская).
ІІ вяд.: Аляксандра Бахрамава (эстрадная студыя А.Звяровіча), група сучаснай харэаграфіі “Непаседы”. “Там, дзе магу” (турэцкая).
І вяд.: Арцём Ахпаш. “Ах, дзяўчынка мая” (грэчаская).
ІІ вяд.: Марыя Казімірчык (эстрадная студыя А.Звяровіча), група сучаснай харэаграфіі “Імпульс”. “Гэй, мама, гэй” (украінская).
І вяд.: Сяргей Федарака (эстрадная студыя “Забава”). “Лебеди” (руская).
ІІ вяд.: Брэйк-данс-компані “Соут Парк”.
“Ніндзя”, харэаграфічная кампазіцыя.ІІ вяд.: І зноў у нашай праграме — не рэкламная, а гульнёвая паўза.
ГУЛЬНЁВАЯ ПАЎЗА. Праводзіцца гульня “Рытмы розных народаў”.І вяд.: Мы запрашаем на сцэну 5 чалавек.
(Удзельнікі падымаюцца на сцэну.)ІІ вяд.: Праз некалькі хвілін вы, паважаныя сябры, убачыце танцавальны марафон “Рытмы розных народаў”.
І вяд.: Зараз у запісе пачне гучаць музыка. Гэта фрагменты танцавальных мелодый розных народаў. Яны прагучаць без перапынку.
ІІ вяд.: А вам, паважаныя ўдзельнікі танцавальнага марафона, трэба прадэманстраваць свае харэаграфічныя здольнасці. У каго лепш атрымаецца, той і стане ўладальнікам спецыяльнага фестывальнага падарунка.
У запісе гучаць фрагменты 6-ці нацыянальных танцавальных мелодый (беларускай, рускай, яўрэйскай, цыганскай, карэйскай, татарскай), праводзіцца конкурс. Вызначаюцца пераможцы.У запісе гучаць гукі цягніка, ідзе аб’ява апошняга прыпынку:“Станцыя — “Танцавальны нон-стоп”.
ІІ вяд.: Гэй, добрыя людзі!
Паглядзіце, што будзе!
ІІ вяд.: Танцы і карагоды не выходзяць з моды!
І вяд.: Таму заслона зноў узнімаецца,
Танцы без перадыху пачынаюцца!
ІІ вяд.: Таццяна Кізер, Мая Осіпава (эстрадная студыя “Забава”). “Погоди, постой”.І вяд.: Гурт “Свободные мысли” (2 песні).
ІІ вяд.: Віктар Верабей, Анжаліка Валансевіч (эстрадная студыя А.Звяровіча), група сучаснай харэаграфіі “Імпульс”.
“Коко джамба”.
І вяд.: Мікіта Ігнаценка (эстрадная студыя “Забава”). “Твои глаза”.
ІІ вяд.: Таццяна Елістратава, група сучаснай харэаграфіі “2+2”. “Светлый день”.
І вяд.: Андрэй Грыгор’еў (эстрадная студыя “Забава”). “Птица счастья”.
ІІ вяд.: Анжаліка Валансевіч.“Best”.
І вяд.: Аляксей Шмырко.“Вместе”.
ІІ вяд.: Юлія. “Марыя Магдалена”.
І вяд.: Алена Лапцева (эстрадная студыя “Забава”). “Один на свете”.
ІІ вяд. Таццяна Вайтовіч (эстрадная студыя “Забава). “Любовь, как ветер”.
І вяд.: Брэйк-данс-компані “Соут парк”, шоу-група “Адрэналін-Джанкі”. “Танцавальны калейдаскоп”.
ІІ вяд.: Зоя Паўлава, удзельнікі эстраднай студыі “Забава”. “Этот мир придуман не нами”.
Фінал
У выкананні Аляксандра Звяровіча, Ірыны Стральцовай, усіх удзельнікаў праграмы гучыць песня “Все мы — братья”. На апошнім куплеце запальваюцца піратэхнічныя фантаны. Гучыць развітальны тэкст вядучых:
І вяд.: Запалілі мы агні свята,
Каб асвяцілася наша хата.
Хай палаюць іскрынкі ў ночы,
Хай засвецяцца радасцю вочы.
ІІ вяд.: Мы другі фестывальны дзень завяршаем,
Вам здароўя і шчасця жадаем!
І вяд.: Зычым удачы, святла і цяпла,
Каб беды-нягоды згарэлі датла!
І вяд. Няхай вам сонца смяецца,
Няхай вам усё удаецца!
ІІ вяд.: Жадаем часцей усміхацца,
Свята новага дачакацца!
Усе (разам): Да новых фестывальных сустрэч!
Святочны феерверк.У час феерверка ў выкананні ўсіх удзельнікаў праграмы гучаць песні: “Талака”, “Все цветы июня”, “Белая Русь”.
Сцэнарый падрыхтавала
Ірына МІКЛАШЭВІЧ