Вядучы: Добры вечар усім! Добры вечар маладым жыхарам і гасцям нашага горада!
Я спадзяюся, што са сродкаў масавай інфармацыі вы ўжо ведаеце: у нашай краіне стартавала культурная маладзёжная акцыя “Мы — беларусы!”. Ёй мы і прысвячаем сённяшнюю дыскатэку.
Думаю, вы пагодзіцеся са мной, што наша краіна — надзвычай прыгожая і гасцінная. А колькі цудоўных людзей, нашых суайчыннікаў жыве і працуе дзеля таго, каб квітнела Беларусь! Але пра іх пагаворым крыху пазней. А цяпер я хачу прадставіць вам тых, каго мы добра ведаем, кім ганарымся і каго заўжды сустракаем дружнымі апладысментамі... Дыскаклуб “Флэш” Старадарожскага маладзёжнага цэнтра “Юнацтва”!
Выконваецца танцавальная кампазіцыя дыскаклуба “Флэш”. Пасля танца DJ і MC ладзяць конкурс “Праспяваем разам”. Задача ўдзельнікаў — успомніць і спець пры падтрымцы залы як мага больш беларускіх народных і аўтарскіх песень. Потым DJ і MC абвяшчаюць танцавальны марафон на 10 — 15 хвілін.Вядучы: А я працягваю! Ні для кога не сакрэт, што моладзь — будучыня краіны, яе залаты запас. Мы — нашчадкі гераічнай і працоўнай славы нашай Радзімы! Мы ніколі не забываем, што без памяці мінулага ў нас няма сённяшняга і будучага. Так, маладосць часам упартая, але ж таленавітая і разумная!
Мы сябруем з марай і рамантыкай, спортам і творчасцю, вучымся і працуем, асвойваем сучасныя тэхналогіі і кахаем, рушым да запаветнай мары з упэўненасцю ў заўтрашнім дні. Гэтак жа ўпэўнены ў сваім паспяховым выступленні наш сябар і спявак DJ і MC Дзіма, які выйдзе зараз на сцэну.
У выкананні DJ і MC гучаць дзве песні “На парадак вышэй” і “Нежность”. Потым Дзіма абвяшчае конкурс “Юны рэпер”. Задача ўдзельнікаў — экспромтам прачытаць рэп, у тэксце якога прысутнічаюць словаспалучэнні “Мая краіна”, “Я — беларус”, “Беларусь, я табою ганаруся!”, і г. д. Пасля конкурсу пачынаецца танцавальная праграма на 10 — 15 хвілін.Вядучы: А яшчэ маладосць — гэта час рэалізацыі нашых магчымасцей і талентаў. І я запрашаю на сцэну таленавітую дзяўчыну, якая яшчэ, мусіць, праславіць наш горад і нашу Беларусь на якім-небудзь прэстыжным музычным конкурсе. Напрыклад, на “Еўрабачанні”! Сустракайце — разумніца, спартсменка, БРСМаўка і проста прыгажуня Крысціна Аляксандрава!
Крысціна выконвае дзве песні — “Мой рай” і “Ветрам стаць”, а потым звяртаецца да сваіх равеснікаў і сяброў з пажаданнем уславіць Старадарожчыну і Беларусь працай і талентам.Вядучы: Я ўвесь вечар назіраю за тымі, хто танцуе, спявае. Малайцы!.. А цяпер хачу прапанаваць вам свой конкурс. Прыз для кагосьці будзе прыемнай нечаканасцю. Прашу падыйсці да мяне двух удзельнікаў.
(Выходзяць два маладыя чалавекі, прадстаўляюцца.)Дык вось, конкурс называецца “Я ведаю ўсіх”. Кожны з вас па чарзе будзе называць прозвішчы цудоўных людзей, якія ў розныя часіны праславілі Беларусь ці наш Старадарожскі раён.
Пасля конкурсу Вядучы ўручае пераможцу білет на наведванне наступнай дыскатэкі ў Маладзёжным цэнтры “Юнацтва”.Вядучы: Я абяцаў вам, што мой прыз за ўдзел у конкурсе будзе прыемнай нечаканасцю? Увага: сюрпрыз вечара! Другі білет на дыскатэку атрымлівае другі ўдзельнік конкурсу, які таксама добра ведае сваіх землякоў і людзей, што праславілі Беларусь!
Для знаўцаў-пераможцаў я абвяшчаю выступленне дыска-клуба “Флэш”. І вы яшчэ раз пераканаецеся, што самы вялікі падарунак прыроды — гэта маладосць, у ёй — невычэрпная энергія творчасці, прыгажосці, гумару, музыкі і руху. Давайце ж рэалізуем гэтую жыццядайную энергію разам з “Флэш”!
У выкананні “Флэш” гучаць песні “Шум дажджу” і “Лета”. Потым выконваецца танцавальная кампазіцыя гурта “Step-girls” і абвяшчаецца танцавальны марафон на 15 хвілін.Вядучы: Наша краіна чакае ад нас, маладых, смелых ідэй і іх рашэнняў, галоўнае — знайсці кожнаму з нас справу па душы: заняцца карыснай працай, спортам, творчасцю і аддзячыць шчырай любоўю родную зямлю, бацькоўскую хату, маці і сяброў. І ўбачыць, які цудоўны гэты свет! І памятаць, што “Мы — беларусы!”, а значыць мы — за моцную, здаровую і квітнеючую Беларусь!
А.ВАСІЛЬЕВА,
дырэктар Старадарожскага маладзёжнага
цэнтра “Юнацтва”