Выдачай рашэнняў аб класіфікацыі кіно бясплатна будзе займацца Інстытут культуры Беларусі, паведамляе БелТА. Гэта прадугледжана пастановай Савета Міністраў №21 “Аб ажыццяўленні асобных адміністрацыйных працэдур у сферы культуры” ад 12 студзеня 2017 года. Апошняя пастанова замацоўвае і карэктуе шэраг пастаноў Саўміна, прынятых да Кодэкса аб культуры.
Зараз замест адміністрацыйнай працэдуры “Дзяржаўнай рэгістрацыі фільма і выдачы дзяржаўнага рэгістрацыйнага пасведчання на фільм” трэба будзе звяртацца за выдачай рашэння аб класіфікацыі. Інстытут культуры Беларусі будзе ажыццяўляць гэта бестэрмінова за 5 каляндарных дзён. У выпадку неабходнасці направіць стужку ў Рэспубліканскую экспертную камісію па прадухіленні прапаганды парнаграфіі, гвалту і жорсткасці ці Рэспубліканскай экспертнай камісіі па ацэнцы інфармацыйнай прадукцыі на наяўнасць (адсутнасць) прыкмет экстрэмізму працэс зойме да 30 каляндарных дзён.
Пытаннямі дазволу на эксплуатацыю кіназалы і кінаабсталявання, згодна пастанове, будуць займацца раённыя (гарадскія) выканкамы. Рашэнні таксама будуць выдавацца бясплатна на тэрмін 5 гадоў.
Пастанова Савета Міністраў №21 таксама ахапіла галіну археалогіі. Цяпер горадабудаўнічыя праекты, якія ўключаюць звесткі аб археалагічных аб’ектах (за выключэннем помнікаў археалогіі), трэба будзе ўзгадняць з Нацыянальнай акадэміяй навук. Помнікі археалогіі застаюцца пад аховай Міністэрства культуры Рэспублікі Беларусь.