Госць прывабіў не толькі бліскучым майстэрствам, валоданнем найсучаснымі прыёмамі выканання і імправізацыі, але і сваёй адкрытасцю, нязмушанай манерай выканання, жаданнем шчыра дзяліцца са слухачамі сваімі думкамі. Ён наўпрост звяртаўся да вялізнай залы, па-англійску расказваў пра сябе і свае творы, паведаміў, што ў яго калекцыі ажно сотня гітар. Слухачы ж маглі не толькі атрымаць асалоду ад музыкі, але і набыць кампакт-дыскі, фота замежных зорак, атрымаць аўтографы. 
Аль Дзі Меола застаўся вельмі задаволены сумесным выступленнем, ухваліў аркестр і дырыжора Віктара Бабарыкіна. Музыкант не толькі выказаў жаданне прадоўжыць супрацоўніцтва, але і, магчыма, выпусціць сумесны альбом з уласнымі аркестравымі творамі, якіх у яго багата. А ў памяць пра сустрэчу падарыў калектыву сваю партытуру з дарчым надпісам.
На здымку: Віктар Бабарыкін і Аль Дзі Меола пад час рэпетыцыі.