Кіраўнік дзяржавы сустрэўся з Архіепіскапам Мітрапалітам Мінска-Магілёўскім Тадэвушам Кандрусевічам, які правёў для Аляксандра Лукашэнкі экскурсію па адноўленым храме. Прэзідэнт пазнаёміўся з адрэстаўраванымі фрэскамі касцёла, над якімі працавалі майстры каля 4 гадоў пры дзейснай падтрымцы ўлад: у
2004 годзе пад час сустрэчы з каталіцкімі епіскапамі беларускі лідэр даў распараджэнне аказаць фінансавую дапамогу для ўзнаўлення ў прыходзе роспісаў.
У час наведвання касцёла адбылася гутарка Аляксандра Лукашэнкі і Тадэвуша Кандрусевіча за закрытымі дзвярыма, а па завяршэнні сустрэчы Прэзідэнт і Архіепіскап абмяняліся падарункамі. Кіраўніку дзяржавы быў уручаны памятны медаль, а ў сваю чаргу Аляксандр Лукашэнка падарыў архікафедральнаму касцёлу карціну “Касцёл у Жупранах” пэндзля Эдуарда Рымаровіча, на якой паказаны каталіцкі храм у гонар Святых апосталаў Пятра і Паўла на Ашмяншчыне.
Паводле інфармацыі БелТА
На здымку: у час наведвання касцёла.
Фота Мікалая ПЯТРОВА, БелТА