З Вялікадня (у некаторых раёнах — з Дабравешчання) у Беларусі пачынаюцца “стрэльныя” карагоды. “Водзяць стралу” сорак дзён, а на Ушэсце — “хаваюць”. “Ваджэнне стралы” складаецца з карагодаў пад адмысловыя “стрэльныя” песні. У Бездзежы, як і ў некаторых іншых раёнах, акцэнтаваны пачатак “стрэльнага” перыяду, а канец, “пахаванне стралы”, — страчаны.
У Бездзежы сёлета карагод заводзілі супрацоўніцы музея “Бездзежскі фартушок”, бабулі ў гэты час спявалі са сцэны. Абраду “Стрылка” нададзены статус нематэрыяльнай гісторыка-культурнай каштоўнасці Рэспублікі Беларусь, ён унесены ў Інвентар нематэрыяльнай культурнай спадчыны краіны.
Фота аўтара