Ветэраны на выстаўцы: Анатоль Лявонцьевіч Канановіч, Генадзь Герасімавіч Пудзілаў і Уладзімір Васільевіч Пархімчык. |
У выставачным праекце бяруць удзел юныя мастакі Саюзнай дзяржавы Беларусі і Расіі ва ўзросце ад 9 да 17 гадоў. Выставачная калекцыя сфарміравана з 30 лепшых твораў дыпламантаў міжнароднага конкурсу юных мастакоў “Мая зямля, апаленая вайной”.
Творы юных мастакоў— удзельнікаў беларуска-расійскай выставачнай праграмы “Балада пра салдата” адлюстроўваюць міратворчую місію Савецкай Арміі па вызваленні краін Еўропы ад фашызму і Перамогі ў Вялікай Айчыннай вайне. Вядома, такія праекты фарміруюць у моладзі Беларусі і Расіі пачуцці патрыятызму, інтэрнацыяналізму, высокіх маральных якасцей абаронцаў Айчыны. Дзіцячыя карціны спрыяюць пераемнасці пакаленняў у захаванні заваёў і гістарычных традыцый братэрства воінаў Савецкай Арміі, у адчуванні адказнасці кожнага за бяспеку сваёй Радзімы.
Плануецца, што 22 сакавіка, у памятны дзень 65-годдзя Хатынскай трагедыі, выстаўка “Балада пра салдата” завершыцца ў Мінску. У сталічны Музей гісторыі Вялікай Айчыннай вайны прыбудзе група юных мастакоў Бабруйскай студыі выяўленчага мастацтва “Вясёлка” — ініцыятараў праекта, каб азнаёміцца з музейнай экспазіцыяй і закрыць выстаўку, а потым наведаць мемарыяльны комплекс “Хатынь”. Працягам гэтай дзіцячай мастацкай дабрачыннай міратворчай акцыі стане новы выставачны праект “Дзеці вайны”, прысвечаны 65-годдзю Вялікай Перамогі і запланаваны на 2009 — 2010 гады.
У 2008 годзе, юбілейным для нашых Узброеных Сіл, выстаўка “Балада пра салдата” ў рамках шэфскага культурнага супрацоўніцтва будзе далей экспанавацца ва Узброеных Сілах Беларусі і Расіі, у культурных і адукацыйных установах.
Фота Юрыя ІВАНОВА