Штотыднёвая грамадска-асветнiцкая газета
Выдаецца з кастрычнiка 1991 года
Дакрануцца да сакральнага
Да Чэмпіянату свету па хакеі Мінск упрыгожыўся яшчэ адной яскравай выстаўкай. Гаворка ідзе менавіта пра публічную прастору горада — праспект Незалежнасці, дзе на агароджы парку Чалюскінцаў з’явілася новая “экспазіцыя”, прысвечаная культуры нашай краіны. Славуты праект “Спадчына Беларусі”, знаёмы многім, у тым ліку па шыкоўных фаліянтах фатаграфій, днямі “выйшаў у народ”, у поўным сэнсе гэтага слова. Цяпер маляўнічыя фотапалотны з выявамі архітэктурных помнікаў Беларусі можа ўбачыць кожны ахвотны: для гэтага дастаткова выйсці на згаданы праспект і яшчэ раз упэўніцца ў тым, якім культурным багаццем валодае наша краіна. Варта адзначыць, што вядомы праект журналістаў, лаўрэатаў прэміі “За духоўнае адраджэнне” Алега ЛУКАШЭВІЧА і Аляксандра АЛЯКСЕЕВА здолеў ажыццявіцца ў новай іпастасі дзякуючы арганізацыйнай падтрымцы Арт-цэнтра Вольгі і Андрэя Смалякоў.
Шакаладнае аблічча Чорнай Панны
Нацыянальны гісторыка-культурны музей-запаведнік “Нясвіж” у перыяд з 9 па 25 мая прапануе сваім наведвальнікам атрымаць задавальненне не толькі ад агляду яго экспазіцый, але і ад музычных праграм. У Палацавым ансамблі Радзівілаў у адмысловую канцэртную пляцоўку ператворыцца Тэатральная зала некаранаваных каралёў, у якой будуць ладзіцца музычна-тэатральныя імпрэзы. У абліччах прыдворных музыкантаў Нясвіжскай Капэлы перад гасцямі выступіць ансамбль старадаўняй музыкі “Кантабіле”, дадаючы да палітры ўражанняў ад наведання музея яшчэ адну яскравую эмоцыю.
“Concerto Grosso” маэстра Арлена
У серыі “Славутыя мастакі з Беларусі”, якую ладзіць выдавецтва “Беларусь” па заказе нашага Нацыянальнага мастацкага музея, выйшаў невялікага фармату альбом, прысвечаны творчасці народнага мастака Беларусі Арлена Міхайлавіча Кашкурэвіча. Аўтар — К.Барабанаў. У альбоме ў сціслай форме апавядаецца пра жыццёвы шлях майстра, пра этапныя творы, што прынеслі яму славу на радзіме і за межамі Беларусі.
Пірамідка з зоркай — помнік гісторыі
У Мінску, непадалёк ад праспекта Незалежнасці, захаваліся старыя могілкі, якія называюць Вайсковымі. У дзяцінстве (а жыў я тады на Даўгабродскай, побач з гэтым містычным месцам) быў упэўнены: назва прыдалася гэтаму абшару таму, што тут пахаваны чырвонаармейцы, палеглыя пры вызваленні Мінска ў 1944 годзе. Такую тапанімічную версію я чуў ад дарослых, і яна лічылася фактам, які не падлягае сумневу. Падставай для бясспрэчнага меркавання была тая акалічнасць, што значную частку тэрыторыі могілак займаюць пахаванні часоў Вялікай Айчыннай.
Інтэрнэт- лабараторыя?
Нядаўна я, па старой памяці, у чарговы раз наведаў Творчую лабараторыю рэжысёраў музычнага тэатра, якая прайшла ў Екацярынбургу пад кіраўніцтвам народнага артыста Расіі, прафесара Кірылы Стрэжнева. Саюз тэатральных дзеячаў Расіі здавён праводзіць такія лабараторыі сярод расійскіх драматычных тэатраў. Сярод музычных — ініцыятарам некалькі гадоў таму стаў Свярдлоўскі тэатр музычнай камедыі, які летась прыязджаў да нас з працяглымі гастролямі. Склалася традыцыя сумяшчаць гэтае “павышэнне кваліфікацыі” “Залатой Маскай”, але сёлета дзве падзеі прайшлі паасобку, лабараторыя ладзілася на базе згаданага тэатра. За чатыры дні — восем спектакляў, паказ студэнцкіх работ, наведванне рэпетыцый, шматлікія лекцыі, “круглыя сталы”, абмеркаванні, творчыя сустрэчы... Замест апісання ўсіх гэтых падзей сканцэнтрую ўвагу на тым, што магло б быць прыдатным для беларускай тэатральнай прасторы.
"Няхай моладзь анёлы ахоўваюць..."
— Апошнім часам неаднойчы даводзілася чуць, што сучасная моладзь — не тая, якой была раней: маўляў, няма ў ёй таго энтузіязму. Думаю, тое не зусім так. Вядома, час зараз іншы, і гэта не можа не адбівацца на людзях. Але сапраўднае пачуццё патрыятызму выяўляецца ў стрэсавых, пераломных сітуацыях на мяжы жыцця і смерці, як гэта было ў ваеннае ліхалецце. Самае страшнае — сцерці з памяці ўсё, што мы перажылі. Наадварот, да гэтага трэба вяртацца зноў і зноў, каб асэнсоўваць тыя падзеі, выносіць з іх урокі...
Пад купалам свяшчэннага, або Перамога, як яна ёсць
Напярэдадні Дня Перамогі карэспандэнт “К” наведаў новы будынак Беларускага дзяржаўнага музея гісторыі Вялікай Айчыннай вайны на праспекце Пераможцаў. Вонкава музей даведзены да ладу і выглядае так, нібыта не сёння-заўтра будзе прымаць наведвальнікаў. Але ўнутры працы яшчэ нямала...
Партрэтны калідор "бессмяротнага палка"
У Інфацэнтры “Культура-інфа” прайшла онлайн-канферэнцыя, прымеркаваная да свята Вялікай Перамогі. Па традыцыі мы высветлілі, якія інавацыі для правядзення галоўнага майскага свята выкарысталі ў музеях, бібліятэках, клубах, дамах рамёстваў і школах мастацтваў нашых раёнаў. Адказаць на гэтае пытанне нам з ахвотай пагадзіліся намеснік начальніка аддзела ідэалагічнай работы, культуры і па справах моладзі Кіраўскага райвыканкама Валянціна ІВАНІЦКАЯ (Ivanickaja), дырэктар Клічаўскага краязнаўчага музея Наталля ХРАМЯНКОВА (Chramiankova), галоўны спецыяліст па культуры аддзела ідэалагічнай работы, культуры і па справах моладзі Бярэзінскага райвыканкама Наталля МАЕЎСКАЯ (Majewskaja), дырэктар Іўеўскага раённага метадычнага цэнтра Наталля МУДРЫК (Mudryk).
Тэрапія літаратурай
У рэдакцыю прыйшоў ліст з Вялікай Ухалоды, што на Барысаўшчыне. Менавіта тут, як паведаміла вядучы метадыст аддзела бібліятэчнага маркетынгу Барысаўскай ЦРБ Алена Капыток, працуе Надзя Мацюшонак — адна з лепшых у раёне. Сёння мы знаёмім чытачоў з яе досведам.
Палац пакуль без інвестара…
Чарнобыльская бяда адкавяліла ад Нараўляншчыны ладны кавалак непаўторных па ландшафце зямель. Цяпер яны — у складзе Палескага дзяржаўнага радыяцыйна-экалагічнага запаведніка, дзе, як кажуць, і мядзведзі ўжо завяліся… Адсяленне людзей з гэтага непаўторнага прыпяцкага краю паўплывала і на сетку мясцовых устаноў культуры. На сёння ў раёне — толькі 8 СДК, 7 сельскіх клубаў, 14 бібліятэк, музей, Цэнтр рамёстваў, РДК і ДШМ з пяццю філіяламі...
Рэнтген працэсу без фоташопа
У абсалютнай большасці выпадкаў маштабны ды разнапланавы выставачны праект вельмі цяжка ахарактарызаваць адным словам. Але “Avant-gARTe. Ад квадрата да аб’екта” падаецца акурат выключэннем з правілаў. Выстаўка атрымалася адэкватнай. Ні добрай, ні дрэннай, але менавіта адэкватнай: самому мастацкаму працэсу ў нашай краіне і тым размаітым тэндэнцыям, якія на яго ўплываюць. Бы лакмусавая паперка, праект праявіў з’явы як станоўчыя, так і не вельмі. Магчыма, апошнія можна было б неяк штучна адкарэктаваць з такой паважнай нагоды. Але гэта амаль тое ж самае, што апрацоўваць у фоташопе рэнтгенаўскія здымкі...
Углядаючыся ў начное неба…
У мінулым месяцы ў сталічным Палацы мастацтва праходзіла выстаўка карцін Галіны Горавай “Касмічнае падарожжа”. Дыплом жывапісца яна атрымала ў Беларускай дзяржаўнай акадэміі мастацтваў, а потым даволі плённа працавала яшчэ і ў галіне мастацтвазнаўства. Прыярытэтнай сферай яе доследаў з’яўляецца семантыка колеру. Цікавасць уяўляюць развагі Горавай пра творчасць Язэпа Драздовіча. Знаёмства са спадчынай гэтай шматграннай асобы моцна паўплывала на светаўспрыманне самой Галіны, у значнай ступені акрэсліла сюжэты і вобразы яе карцін.
"Стоўнхэндж" для лялькі
Па колькасці ўстаноў культуры абласнога падпарадкавання Маладзечна называюць культурным цэнтрам Мінскай вобласці. У адну з субот красавіка тыя жыхары горада, якія захапляюцца тэатрам, маглі адчуць сябе сапраўднымі тэатральнымі “тусоўшчыкамі” і наведаць абодва абласныя тэатры па чарзе: драматычны і лялечны. Падставай паслужылі доўгачаканыя прэм’еры спектакляў Мінскага абласнога драматычнага тэатра і Мінскага абласнога тэатра лялек “Батлейка”, паказы якіх адбыліся сапраўды ў адзін дзень, але — у розны час. Гэта вельмі рэдкае супадзенне ў культурным жыцці горада. Я ж вырашыў прымерыць на сябе ўмоўны касцюм “тусоўшчыка” і выправіўся па тэатрах у пошуках новых уражанняў.
О, дзе ж ты, Tэа?
Сёння, а дакладней — у ноч на нядзелю, стане вядомы пераможца конкурсу песні “Еўрабачанне-2014”, які гэтым разам прайшоў у сталіцы Даніі — Капенгагене. Беларусь на форуме прадстаўляў спявак Tэа (Юрый Вашчук). З-за таго, што “К” здавалася ў друк 7 мая, мы, натуральна, не маглі ведаць, уласна кажучы, ці адолеў наш выканаўца стадыю другога паўфіналу, які адбыўся ў чацвер і ў якім Юрый удзельнічаў. Таму нам даводзіцца толькі гадаць і будаваць здагадкі аб тым, як выступіў (ці выступіць сёння) беларускі артыст. Разам з намі гэтай адказнай справай мы папрасілі заняцца двух чалавек, што маюць самае непасрэднае дачыненне да фестывалю.
Разлічана на турыста
Лічаныя дні застаюцца да адкрыцця новых экспазіцый у Беларускім дзяржаўным музеі гісторыі Вялікай Айчыннай вайны, які зусім нядаўна пераехаў у новы будынак. Пакуль шырокая грамадскасць чакае гэтай знакавай падзеі, звернемся да досведу нашых краін-суседак, дзе таксама на высокім узроўні ўшаноўваецца памяць ахвяр нямецка-фашысцкай агрэсіі.
“Дударыкі” скараюць!
У красавіку ў Штаб-кватэры UNESCO ў Парыжы адбылося ўрачыстае пасяджэнне, прысвечанае 60-годдзю далучэння Беларусі і Расійскай Федэрацыі да UNESCO, і канцэрт з гэтай нагоды, у якім прынялі ўдзел Заслужаны аматарскі калектыў Рэспублікі Беларусь “Фальклорны ансамбль “Дударыкі” і Нацыянальны рускі акадэмічны народны хор імя Пятніцкага.
“Доўгія вёрсты вайны”
Гэта назва выстаўкі ў Карэліцкім раённым краязнаўчым музеі, створанай да 70-годдзя вызвалення Беларусі ад нямецка-фашысцкіх захопнікаў. Яна распавядае пра бітвы Вялікай Айчыннай вайны, пра нашых землякоў — удзельнікаў гэтых бітваў. Запісы песень ваенных гадоў, плакаты і газеты таго часу ствараюць насычаны эмацыйны фон.
“Гісторыя кахання. Надзея вярнуцца”
Праглядаючы сямейны архіў, знайшоў пажоўклы ад часу ліст. Спачатку кінулася ў вочы дата: у левым верхнім куце ён датаваны 1 красавіка 1941 года. Акуратна разгортваю стары, складзены ў чатыры разы лісток, старанна спісаны фіялетавымі чарніламі:
Дайсці да Берліна
У 69-ы год Вялікай Перамогі ўсе мы, як заўсёды ў гэты вясновы час, асабліва адчуваем паняцце Радзімы. З гонарам і сумам азіраемся на тыя дзесяцігоддзі, што аддзяляюць нас ад пераможнага мая 1945-га. Што б мы ні рабілі і аб чым ні думалі, у якія складаныя перыпетыі жыцця ні траплялі б — ён, той дзень, жыве ў кожным з нас, б’ецца ў сэрцы нашым, як б’ецца полымя Вечнага агню на плошчы Перамогі беларускай сталіцы...
Ад "Вострава Птушак" — да “Лесвіцы ў неба”...
Музейна-мемарыяльны комплекс “Перамога”, паўнавартаснае адкрыццё якога адбылося 9 мая, літаральна перанасычаны сімваламі. Пачнём, хаця б, з самога месца. Як вядома, адкрыццё першай у Мінску масавай зоны адпачынку — Камсамольскага возера — было запланавана акурат на 22 чэрвеня 1941 года... І тое, што планы ўсё ж урэчаісніліся (а потым і “пераўрэчаісніліся”), сапраўды пра многае сведчыць.
Арт-арэна — Чэмпіянату
Сёння ў Рэспубліканскай мастацкай галерэі Беларускага саюза мастакоў — вялікае свята. Прадстаўлены адразу два буйныя арт-праекты, прымеркаваныя да Чэмпіянату свету па хакеі-2014: “ForteПроўн — Дырэкторыя авангарда” і “Арэна-Беларт"...
Сайт переехал на новый адрес – kultura-info.by

Новы нумар

Рэдакцыйна-выдавецкая ўстанова
"Культура і мастацтва"

© 2007 - 2024 «Культура». Зроблена ў «Вэбпрофі»