У Музеі гісторыі слуцкіх паясоў Прэзідэнта краіны азнаёмілі з тэхналогіяй стварэння паясоў з XVIII стагоддзя. Тут Аляксандру Лукашэнку ўручылі першы слуцкі пояс, сатканы на прадпрыемстве, які з’яўляецца поўнай копіяй арыгінальнага. Ён будзе дастаўлены на захоўванне ў Палац Незалежнасці.
На памяць аб наведанні Прэзідэнт пакінуў запіс у Кнізе ганаровых гасцей. “Вельмі сімвалічна, што другое нараджэнне паясоў адбылося менавіта тут, у Слуцку. Гэта даніна нашай павагі майстрам мінулага і яскравае сведчанне таленту іх нашчадкаў, якія па ўзроўні майстэрства не саступаюць сваім праслаўленым папярэднікам”, — гаворыцца, у прыватнасці, у запісе.