Па словах аўтара, яму хацелася прыцягнуць увагу да тых помнікаў спадчыны, чый лёс таксама нібыта завіс у паветры — шматлікіх закінутых шляхецкіх сядзіб, многія з якіх нават не маюць статуса гісторыка-культурнай каштоўнасці. Сярод іх — і напаўзруйнаваны палац Мержаеўскіх у Грозаве, што на Капыльшчыне, калоны якога трапілі на гэтае фота.
— Думаю, такія сядзібы не менш важныя для культуры краіны, чым “топавыя” адметнасці, — перакананы фотамастак. — Але пакуль іх перспектывы спараджаюць хіба сумныя жарты — накшталт гэтага, створанага ў камп'ютарным графічным рэдактары…