Фестываль на шлюзе Дамброўка.
Слухачы з гледачамі канцэнтраваліся не толькі ля сцэны, але і побач з ганчарамі і вышывальшчыцамі, якія прапаноўвалі майстар-класы па вырабе гладышаў і ўпрыгожванні сурвэтак. Ахвотных паспрабаваць свае сілы ў рамесніцтве было шмат. А можна было і танцаваць навучыцца.
Бібліятэкары Гродзенскага раёна ў баку не заставаліся. Супрацоўнікі інфармацыйна-бібліятэчнага аддзела Раціцкай сельскай бібліятэкі і Сапоцкінскай гарпасялковай бібліятэкі арганізавалі чытальную залу пад адкрытым небам ды з красамоўнай назвай “Кніга будуе масты сяброўства”.
А па канале курсіраваў цеплаход. Да поўдня ён паспеў зрабіць адзінаццаць рэйсаў. Падчас кожнага прыгажосцю прыбярэжных краявідаў любавалася паўсотні чалавек.