Голас магнетычнай прыцягальнасці

Барытон -- голас магнетычнай прыцягальнасці, з шакаладным, скажу прыгожа, аксамітам, надзелены ярка выяўленым, сакавітым мужчынскім «эга». Яму проста наканавана быць найпрыгажэйшым з мужчынскіх тэмбраў! Не спяшайцеся шпурляць у мой бок камяні, або я буду працягваць у прысутнасці адваката... Ва Уладзіміра Громава ёсць усё, каб у недалёкай будучыні стаць Яго Вялікасцю Барытонам. Гэты спявак «забяспечыў» самае яркае ўражанне ад прэм’ер апошніх оперных сезонаў.