Фабрыка брэндаў

Паводле завядзёнкі савецкай пары, кожная з'ява, народжаная самім жыццём і ўжо маючая пэўную распаўсюджанасць, легітымнасць набывала толькі пасля таго, як ЦК КПСС і Саўмін СССР прымалі пастанову аб яе «далейшым развіцці». Так у нашай колішняй дзяржаве было і з дызайнам. Эстэтыка не можа абмінуць сваім уплывам такія важныя чыннікі цывілізацыі, як прамысловасць і гандаль. У той ці іншай форме супрацоўніцтва мастака з вытворчасцю і сумежнымі з ёю галінамі існавала заўжды -- і ва ўмовах самарэгулюемай рынкавай стыхіі, і пры планавай эканоміцы сацыялізму.