Па выніках 2021 года прысуджаны пяць прэмій “За духоўнае адраджэнне” за актыўную дзейнасць у гуманітарнай сферы, што садзейнічае захаванню і прымнажэнню нацыянальнага культурнага здабытку, выхаванню ў моладзі любові да Радзімы, умацаванню духоўных каштоўнасцей і ідэй міласэрнасці.Прэмія прысуджана грамадскаму аб’яднанню “Магілёўскі абласны гісторыка-патрыятычны пошукавы клуб “Віккру” за значны ўклад у патрыятычнае выхаванне моладзі, увекавечванне памяці абаронцаў Айчыны, рэалізацыю разведвальных пошукавых праектаў “Памяць”, “Дняпроўскі рубеж” і “Сожскі рубеж” на Магілёўшчыне.
За значны ўклад у патрыятычнае выхаванне дзяцей і моладзі, рэалізацыю праекта “Пост Памяці Брэсцкай крэпасці”, актыўны ўдзел у міжнародным міратворчым руху прэміі ўдастоены калектыў дзяржаўнай установы адукацыі “Цэнтр дадатковай адукацыі дзяцей і моладзі г.Брэста”.
Прэмія “За духоўнае адраджэнне” таксама прысуджана мясцоваму дабрачыннаму фонду імя Аляксея Талая за асаблівыя заслугі ва ўвасабленні ідэй гуманізму, рэалізацыю дабрачынных праектаў, накіраваных на захаванне гістарычнай памяці і традыцый, падтрымку дзяцей, якія пацярпелі ад ваенных дзеянняў.
Высокай узнагароды за вялікі асабісты ўклад ва ўмацаванне духоўных каштоўнасцей, самаадданую працу ў сферы асветы і царкоўнай дабрачыннасці ўдастоены протаіерэй, настаяцель храма абраза Божай Маці “Усецарыца” ў г.Мінску, старшыня Сінадальнага аддзела па царкоўнай дабрачыннасці і сацыяльным служэнні Беларускай праваслаўнай царквы Кірыл Шолкаў.
Прэмія таксама прысуджана рэспубліканскаму грамадскаму аб’яднанню “Патрыёты Беларусі” за рэалізацыю сацыяльна значных праектаў, накіраваных на фарміраванне грамадзянскай самасвядомасці і ўмацаванне дзяржаўнага суверэнітэту.
За выдатныя дасягненні ў сферы музычнага, выяўленчага, дэкаратыўна-прыкладнога мастацтва, журналістыкі, народнай і аматарскай мастацкай творчасці, навучання і выхавання творчай моладзі, што атрымалі грамадскае прызнанне, прысуджаны 9 спецыяльных прэмій Прэзідэнта Беларусі дзеячам культуры і мастацтва.
Сярод лаўрэатаў спецпрэміі — аўтарскі калектыў у складзе аглядальніка рэдакцыі аддзела палітычнай інфармацыі ўстановы Адміністрацыі Прэзідэнта Рэспублікі Беларусь “Выдавецкі дом “Беларусь сегодня” Людмілы Гладкай, аглядальніка аддзела падрыхтоўкі ілюстрацый упраўлення аб’яднанага сакратарыята ўстановы Адміністрацыі Прэзідэнта Рэспублікі Беларусь “Выдавецкі дом “Беларусь сегодня” Алега Карповіча, генеральнага дырэктара таварыства з абмежаванай адказнасцю “Тэхнагруп” Юрыя Цераховіча за значны ўклад у развіццё беларускай журналістыкі, стварэнне цыкла публікацый па актуальных пытаннях грамадска-палітычнага жыцця краіны.
За стварэнне высокамастацкіх вобразаў у прэм’ерных спектаклях Нацыянальнага акадэмічнага Вялікага тэатра оперы і балета Рэспублікі Беларусь спецпрэмія прысуджана артысту-вакалісту (салісту), вядучаму майстру сцэны гэтага тэатра, народнаму артысту Беларусі Уладзіміру Громаву.
Заслужаны аматарскі калектыў Рэспублікі Беларусь народны ансамбль танца “Крыжачок” Беларускага дзяржаўнага ўніверсітэта ўдастоены спецпрэміі за значны ўклад у захаванне традыцый харэаграфічнага мастацтва, актыўны ўдзел у грамадска-культурным жыцці краіны.
За значны ўклад у выхаванне творчай моладзі, паспяховы ўдзел у рэспубліканскіх і міжнародных конкурсах і фестывалях спецпрэміяй адзначаны заслужаны аматарскі калектыў Рэспублікі Беларусь узорны тэатр эстрады “Капелька” Мірскага сельскага Дома культуры дзяржаўнай установы культуры “Баранавіцкая раённая клубная сістэма”.
Заслужаны калектыў Рэспублікі Беларусь Прэзідэнцкі аркестр Рэспублікі Беларусь дзяржаўнай установы “Палац Рэспублікі” Кіраўніцтва справамі Прэзідэнта ўдастоены спецпрэміі за значныя дасягненні ў развіцці эстраднага мастацтва, рэалізацыю музычных праектаў у рамках Года народнага адзінства.
Высокай узнагароды ўдастоены загадчык філіяла № 15 Цэнтра ганчарства в.Гарадная дзяржаўнай установы культуры “Столінская раённая клубная сістэма” Васіль Казачок за значны асабісты ўклад у захаванне традыцый ганчарнага рамяства.
Калектыву ўстановы адукацыі “Беларускі дзяржаўны ўніверсітэт культуры і мастацтваў” спецпрэмія прысуджана за значны ўклад у патрыятычнае выхаванне моладзі, рэалізацыю грамадска-культурных праектаў.
Кіраўнік народнага аматарскага калектыву Рэспублікі Беларусь клуба майстроў народнай творчасці “Каляровая альтанка” Навагрудскага раённага Цэнтра рамёстваў дзяржаўнай установы культуры “Навагрудскі раённы цэнтр культуры і народнай творчасці” Наталля Клімко ўдастоена спецпрэміі за плённую працу па захаванні традыцый вырабу беларускай выцінанкі.
Сярод лаўрэатаў таксама Нацыянальны алімпійскі камітэт Рэспублікі Беларусь, якому спецпрэмія прысуджана за арганізацыю і правядзенне спартыўна-культурнага фестывалю “Вытокі. Крок да Алімпу”, накіраванага на папулярызацыю здаровага ладу жыцця, умацаванне сямейных каштоўнасцей і захаванне нацыянальных традыцый.
president.gov.by