Штотыднёвая грамадска-асветнiцкая газета
Выдаецца з кастрычнiка 1991 года
Рукатворная прыгажосць
Беларускімі гістарычнымі брэндамі ў дэкаратыўна-прыкладным мастацтве з’яўляюцца слуцкія паясы, налібокскае шкло і карэліцкія шпалеры. Слуцкі пояс рэканструяваны ва ўжо суверэннай Беларусі і робіцца малымі партыямі ў падарункавай версіі. Пераемнікам традыцый Налібоцкай гуты яшчэ ў савецкі час стаў шклозавод “Нёман”. Тады ж паўстаў і Барысаўскі камбінат дэкаратыўна-прыкладнога мастацтва, які можна лічыць спадкаемцам Карэліцкай мануфактуры Радзівілаў. Як і іншыя прамысловыя гіганты Беларускай ССР габеленавы ўчастак Барысаўскага камбіната працаваў на ўсю прастору ад Брэста да Уладзівастока. Зразумела, тут жа выконваліся да адносна нядаўняга часу і ўсе ўласна беларускія дзяржаўныя заказы. Усе габелены, што сёння аздабляюць інтэр’еры нашых грамадскіх будынкаў і дзяржаўных устаноў, родам з Барысава. Тут жа быў вытканы славуты “Габелен стагоддзя”. Рэпрадукцыі габеленаў, якімі мы аздобілі наш календар, спадзяемся, мусяць выклікаць станоўчыя эмоцыі ў чытачоў “Культуры” і, магчыма, паспрыяць таму, каб мела далейшае развіццё школа беларускага габелена, а таксама і цікавасці да гэтай Прыгажосці.
Сайт переехал на новый адрес – kultura-info.by

Новы нумар

Рэдакцыйна-выдавецкая ўстанова
"Культура і мастацтва"

© 2007 - 2024 «Культура». Зроблена ў «Вэбпрофі»