Слоган мерапрыемства “Купіць-прадаць-пагуляць-паглядзець”. У адпаведнасці з ім і будзе ладзіцца кірмашовая дзея. Гасцей сустрэне сам Альбрэхт Радзівіл з дачкой Эльжбетай.
З’едуцца беларускія рамеснікі. Так што шырокім будзе выбар твораў з керамікі, саломы, лазы, дрэва, металу і тканіны. Каштавалі суп з гарбуза? Кірмаш прапаноўвае такую магчымасць. Фермеры прывязуць свежы хлеб, сала, слімакоў(!), марынады, вяленыя слівы, гарбату, сыры. Ды ці мала яшчэ што!
Гарантуюцца легальная кантрабанда ад бутлегераў, рэтра-этна-эксклюзівы, майстар-класы, гульні, атмасферныя фотазоны, квэсты, музычныя праграмы.
Вітаецца дрэс-код у стылі 20 — 30-х гадоў мінулага стагоддзя.