Абвешчаны ў сакавіку конкурс на эскізны праект помніка ахвярам палітычных рэпрэсій у Курапатах выходзіць на завяршальную стадыю. З шэрагу прадстаўленых праектаў журы вылучыла тры. Іх аўтары працягнуць творчае спаборніцтва — дапрацуюць эскізы да 1 ліпеня. Пра гэта паведаміў рэктар Беларуйскай дзяржаўнай акадэміі мастацтваў Міхаіл Баразна.

Гродна — сапраўды лідар Беларусі па колькасці гістарычных помнікаў на сваёй тэрыторыі. На жаль, па колькасці звязаных з імі скандалаў — таксама. І калі да баталій вакол рэстаўрацыі Старога замка мы ўжо патрошку пачалі прызвычайвацца, то спрэчкі адносна рамонту на Каложы выбухнулі неспадзявана — рабочыя, пакінутыя без нагляду археолагаў, быццам бы знішчылі культурны слой. Каб зразумець, што насамрэч адбылося каля Барысаглебскай царквы — помніка архітэктуры ХІІ стагоддзя гісторыка-культурнай каштоўнасці нулявой (самай высокай!) катэгорыі, — “К” выправілася ў Гродна.

Шпацыр па горадзе, літаратура і тэатр — што паміж імі агульнага? Ці можна спалучыць усё гэта разам і навошта? У які бок скіроўваць экскурсійны рух? Такія думкі перапаўнялі мяне ў час незвычайнай экскурсіі па Мінску “Горад Горвата”.

Што зняў і будзе здымаць “Беларусьфільм”, ці зменіцца структура Нацыянальнай кінастудыі і якіх сцэнарыстаў там шукаюць — генеральны дырэктар установы Уладзімір Карачэўскі пасля 100 дзён на новай пасадзе публічна агучыў праграмныя захады па далейшай працы прадпрыемства.

Стас ЖЫРКОЎ — імя гучнае перадусім ва ўкраінскай тэатральнай прасторы. Але апошнім часам усё часцей яно гучыць і сярод беларусаў: рэжысёр ставіць п’есы нашых драматургаў, а нашы пастаноўшчыкі супрацоўнічаюць з ім як з дырэктарам — мастацкім кіраўніком тэатра “Залатыя вароты” ў Кіеве. Неўзабаве Стас узначаліць яшчэ і сцэнічнае “Паляванне на качак”, да якога рыхтуюцца ў Рэспубліканскім тэатры беларускай драматургіі. “К” пазнаёмілася з украінскім рэжысёрам падчас аднаго з яго візітаў у Мінск.

28 сакавіка бягучага года адносна нядаўні выпускнік Беларускага дзяржаўнага ўніверсітэта культуры і мастацтваў Павел САПОЦЬКА, які ўзначальваў мастацкую галерэю “Універсітэт культуры”, стаў дырэктарам Нацыянальнага гістарычнага музея Рэспублікі Беларусь. Для многіх такі кадравы ход быў нечаканым: іншым разам маладосць у нас лічыцца ці не заганай. Але факт застаецца фактам: малады ды амбіцыйны, станоўча зарэкамендаваўшы сябе на першым рабочым месцы, узняўся на чарговую і вельмі адказную кадравую прыступку. А гаспадарка яму дасталася, мякка кажучы, няпростая. На сустрэчу з журналістамі “К” Павел Сапоцька запрасіў і сваіх калег — намеснікаў і кіраўнікоў музейных філіялаў.

Роўна тыдзень таму завяршыўся ХVІІІ Нацыянальны фестываль беларускай песні і паэзіі ў Маладзечне. Пераможцам Нацыянальнага конкурсу маладых выканаўцаў беларускай эстраднай песні прызнана Злата Ларчанка. А тое, як грунтоўна былі прадстаўлены на форуме жывапіс і тэатр, надало падзеі статус сапраўднага свята мастацтваў.

Брэст. Пешаходная вуліца Савецкая. Калі дзень святочны ці выхадны, мінакоў тут вельмі шмат. Усе жыццю радуюцца. Можна кавы папіць, музыку паслухаць. Шляхетная вуліца шляхетнага горада. А па адрасе Савецкая, 54 вас асабліва чакаюць. Менавіта тут ад Брэсцкага абласнога грамадска-культурнага цэнтра працуюць у адным будынку мастацкая галерэя і сувенірная крама “Скарбніца”.

Гледзячы на сённяшні Моталь, цяжка паверыць, што калісьці адміністрацыйна-тэрытарыяльна ён з’яўляўся вёскай. Ва ўсялякім выпадку, цэнтр яго мала чым адрозніваецца ад невялікага горада. У крокавай, а то і меншай даступнасці тут — Дом культуры, дзе знаходзяцца і бібліятэка, і Музей народнай творчасці, і гасцініца, і кафэ... Рай для прыезджых, што жадаюць правесці тут час культурна. І з карысцю для страўнікаў, бо месца гэта — радзіма знакамітага міжнароднага кулінарнага фэсту “Мотальскія прысмакі”. А таксама радзіма першага Прэзідэнта Дзяржавы Ізраіль Хаіма Вейцмана. Але за прысмакамі “К” адправіцца сюды налета — на чарговы форум. Пакуль жа “праінспектавала” дзве ўстановы культуры аграгарадка.