Сёння, 9 мая, на Паклоннай гары ў Маскве выступіць Маладзёжны сімфанічны аркестр Беларусі і Расіі. Кіруе калектывам заслужаны дзеяч мастацтваў Расійскай Федэрацыі Аляксандр Якупаў. Гэты канцэрт станецца завяршэннем гастрольнага тура аркестра, які пачаўся ў Берліне, а прадоўжыўся ў Брэсце і Мінску. Арганізатарамі праекта выступілі Пастаянны камітэт Саюзнай дзяржавы, міністэрствы культуры дзвюх краін.

З 13 па 17 мая ў Беларусі будзе праходзіць Фестываль культур народаў Еўразійскай эканамічнай супольнасці.

У канцы красавіка ў Віцебску, у Абласным краязнаўчым музеі адкрылася персанальная выстаўка жывапісу народнага мастака Беларусі, лаўрэата Дзяржаўнай прэміі, удзельніка Вялікай Айчыннай вайны, кавалера ордэнаў Айчыннай вайны І і ІІ ступеняў, кавалера ордэна Ф.Скарыны Леаніда Шчамялёва.

7 мая трыма выступленнямі запар Нацыянальны канцэртны аркестр Беларусі на чале з народным артыстам краіны, прафесарам Міхаілам Фінбергам віншаваў ветэранаў са святам Перамогі. Праграма “Ад Масквы да Брэста…”, што была прэзентавана на сцэне сталічнай філармоніі, сталася не звычайным канцэртам, а цэлым музычна-тэатралізаваным дзействам, што сінтэзавала розныя віды мастацтваў.

…чатыры майскія дні, якія прайшлі пад знакам журналістыкі (нездарма ж 5 мая — Дзень друку, а 7-га — Дзень работнікаў радыё, тэлебачання і сувязі!), — такі вынік у скарбонцы нашай Рэдакцыйна-выдавецкай установы “Культура і мастацтва” пасля ХІІІ Міжнароднай выстаўкі “СМІ ў Беларусі”.

Беларускі дзяржаўны музей гісторыі Вялікай Айчыннай вайны за апошні час неаднаразова станавіўся ньюсмейкерам. Праўда, часта ўвагу прыцягвала перадусім не сама дзейнасць установы, а “свежыя” звесткі пра “перасяленне” ўлюбёнага намі з дзяцінства музея. Абмеркаванне гэтых падзей можна было пачуць нават у грамадскім транспарце — не кажучы ўжо пра старонкі друку і Інтэрнет. Зрэшты, хацелася б, каб такая самая пільная ўвага была звернута і на іншыя падзеі жыцця гэтага музея. Не так даўно дзве яго унікальныя калекцыі — рукапісных партызанскіх часопісаў і самаробнай зброі “народных мсціўцаў” — атрымалі статус гісторыка-культурнай каштоўнасці першай і другой катэгорый адпаведна. На Беларусі падобны выпадак не меў прэцэдэнтаў.

6 мая Рэспубліканскі тэатр юнага гледача прадставіў шырокай публіцы сваю чарговую прэм’еру — “Бліндаж” па п’есе Алены Паповай. За выключэннем Рэспубліканскага тэатра беларускай драматургіі, які “абазначыўся” новым ваенным спектаклем у сваім рэпертуары яшчэ на самым пачатку вясны, ТЮГ стаўся адзіным сталічным драматычным тэатральным калектывам, які сустрэў Дзень Перамогі адпаведнай прэм’ерай.