Свежы нумар
Мастыхін
Аксамітны барытон Андрэя Заспіцкага
Наведаць вядомага скульптара, заслужанага дзеяча мастацтваў Беларусі, лаўрэата Дзяржаўных прэмій СССР і БССР Андрэя Заспіцкага мне параіў Іван Міско: “Давай паедзем да Андрэя, у яго ў лютым дзень нараджэння”.
Далей
Гімн жанчынам Палесся
Ці магла калісьці дзяўчынка з Чашніччыны падумаць, што праз некалькі дзесяцігоддзяў яна стане паважанай і знакамітай асобай у... Францыі? Сёння габелены і графіка Вольгі Дзёмкінай з’яўляюцца каштоўнасцямі калекцый музеяў Еўропы і Амерыкі, а спасылкі на яе работы сустракаюцца ў энцыклапедыях розных краін. У інфармацыйна-выставачным цэнтры Цэнтральнай навуковай бібліятэкі імя Якуба Коласа Нацыянальнай акадэміі навук Беларусі адбылася творчая вечарына мастачкі “Гімн жанчынам Палесся”.
Далей
"К" інфармуе
ЯК СЫГРАЦЬ СЭРЦА?
Такое нечаканае пытанне задаў наш фотакарэспандэнт першакурснікам тэатральнага факультэта Акадэміі мастацтваў. І гэта натуральна, бо флюіды кахання найчасцей літаральна выпраменьвае студэнцкае асяроддзе. Мусіць таму для будучых акцёраў не было цяжка ўтварыць мізансцэну-валянцінку адмыслова “па сістэме Станіслаўскага”. Верыце?
Далей
Шэсць кніг на жыхара краіны
11 студзеня ўрачыста адкрылася ХVІ Міжнародная кніжная выстаўка-кірмаш “Кнігі Беларусі-2009”. Удзельнікамі яе сёлета з’яўляюцца больш за 600 экспанентаў з 25 краін свету. Ганаровымі гасцямі ў гэтым годзе сталі выдавецтвы Казахстана.
Далей
Беларускі дзень
12 лютага ў рамках юбілейнага Х Вільнюскага кніжнага кірмашу прайшоў Дзень Рэспублікі Беларусь.
Далей
Аркестравы менеджмент
Беларускія музыканты працягваюць пашыраць свае міжнародныя кантакты. Учора з Дзяржаўным акадэмічным сімфанічным аркестрам Беларусі, які ўзначальвае маэстра Аляксандр Анісімаў, выступіў амерыканскі дырыжор Чарльз Ансбакер — заснавальнік і кіраўнік Бастонскага сімфанічнага аркестра “Лэндмаркс”. Напярэдадні славуты гастралёр наведаў Беларускую дзяржаўную акадэмію музыкі, дзе правёў лекцыйны майстар-клас.
Далей
Форум: гаворым пра актуальнае!
Вядомы прэтэндэнты
Як паведамляе БелТА, сталі вядомы прэтэндэнты ад Беларусі на суісканне прэміі Саюзнай дзяржавы ў галіне літаратуры і мастацтва за 2009 — 2010 гады.
Далей
“Пад руку” з навукай
6 лютага ў Нацыянальнай акадэміі навук Беларусі адбыўся “круглы стол”, прысвечаны пытанням навуковага суправаджэння развіцця культуры.
Далей
V.I.P.
Недзіцячы драйв!
Нацыянальны цэнтр музычнага мастацтва імя Уладзіміра Мулявіна падрыхтаваў нямала зорных, нягледзячы на іх дзіцячы ўзрост, выканаўцаў. За адзін толькі мінулы год можна налічыць ледзь не з дзесятак перамог на прэстыжных міжнародных спаборніцтвах. Сярод уладальнікаў першых прэмій — Андрэй Кунец (“Арфей у Венецыі”, V Маладзёжныя Дэльфійскія гульні дзяржаў-удзельніц СНД у Мінску), Аліна Молаш (“Славянскі базар у Віцебску”), Карына Жуковіч (“Залатая пчолка” ў Клімавічах), Даша Надзіна (“Новая музыка” ў Балгарыі). А ёсць жа яшчэ і другія прэміі, і шостае месца дзявочага трыо на дзіцячым “Еўрабачанні”, што пасля двух ранейшых Гран-пры Ксеніі Сітнік і Аляксея Жыгалковіча трэба таксама лічыць за значны поспех.
Далей
Праекты развіцця: культура рэгіёнаў Камертон
Імпрэсія “Явара і каліны”
Здавалася б, зусім нядаўна фальклорны гурт “Купалінка” Беларускай дзяржаўнай філармоніі чараваў на сваім сольніку бліскучай тэатралізаванай дзеяй — менавіта фальклорнай. І ўсяго праз паўтара месяца раптам здзівіў яшчэ адной прэм’ерай — зусім, здавалася б, нечаканай, бо вынес на суд публікі духоўную праграму “Табе пяем…”
Далей
Журы з... нотамі
У латвійскім Даўгаўпілсе з 9 па 11 студзеня ладзіўся VIII Міжнародны фестываль духоўнай музыкі “Сярэбраныя званы”. Творчая вандроўка на конкурс, які традыцыйна адбываецца ў межах фестывалю, сталася ўдалай для шэрагу беларускіх салістаў і калектываў.
Далей
Максіма маладых
Скрабін па-беларуску ў “Карнегі-холе”“
У гэтай маладой беларускай піяністкі біяграфія сапраўды зорная. Ёй усяго 23 гады. Тым не менш, яна — лаўрэат міжнародных конкурсаў у Беларусі, Польшчы, Францыі, Італіі. Вольга СЦЯЖКО гастралявала ў многіх краінах: Германіі, Расіі, Харватыі, Славеніі, Вялікабрытаніі, Іспаніі. У 2007-м адбыўся яе дэбют у адной з найпрэстыжнейшых залаў свету — “Карнегі-холе” ў Нью-Йорку.
Далей
Соцыум: праблемны аспект культуры Ёсць пытанне !
Патрабуецца герой!
Адным з мерапрыемстваў Нацыянальнага плана дзеянняў па паляпшэнні становішча дзяцей і аховы іх правоў на 2004 — 2010 гады абазначана правядзенне комплексных навуковых даследаванняў, у лік якіх уваходзіць і вывучэнне ўздзеяння сродкаў масавай інфармацыі, у прыватнасці і электронных, на фізічнае, псіхічнае і духоўна-маральнае здароўе дзяцей.
Пацверджаннем неабходнасці такога мэтанакіраванага даследавання і актуальнасці праблемы стаў візіт маладой журналісткі ў рэдакцыю “К”. Яна распавяла пра тое, якія лялькі сёння можа набыць у Інтэрнеце кожны, незалежна ад узросту. Сярод “сімпатычных” забавак былі... і сіні мярцвяк — увасабленне гераіні кінастужкі “Твін Пікс” Лоры Палмэр, і брыдкія лялькі-сараканожкі, і лялька ў выглядзе мужчынскай галавы для ўтыкання нажоў. Так, аказваецца, бывае і такое.
Гэтая тэма прымусіла задумацца і звярнуць увагу на адваротны бок медаля: а з чым, уласна кажучы, сёння гуляюць нашыя дзеці? Усе прыведзеныя вышэй прыклады “цацак”, канешне, “прыкольныя”, але што можна супрацьпаставіць такім змрочным, не ўласцівым нашай ментальнасці, персанажам, якіх дастаткова ў сусветным Сеціве? Грацыёзную Барбі? Чалавека-павука? Вялікагаловых “выкшталцоных” лялек Братз? А дзе ж, калі казаць пра нашы рэаліі, героі беларускай культуры — кіно, літаратуры, фальклору, — чыё прызначэнне любіць і паважаць сваю зямлю, яе мінулае і сучаснасць, маральныя і духоўныя каштоўнасці? Што мы можам супрацьпаставіць плыні замежных сімвалаў і знакаў, якія нясуць у сваім абліччы сучасныя лялькі? І што мы маем у адказ здаровага і добрага?
Мы часта скардзімся на тое, колькі насілля дэманструецца на нашых тэлевізійных каналах. І нібыта не пры чым, у баку, застаюцца зусім іншыя, не менш небяспечныя прыкметы сучаснай цывілізацыі — культ спажывання, сексуалізацыя жаночага цела, ідэалізацыя не сваіх, а заходніх герояў. А калі прыгледзецца, ці не з Барбі пачынаецца псіхічнае насілле над дзяўчынкай, якая, пасталеўшы, заўважае: яе фігура не адпавядае прапорцыям любімай лялькі? І колькі вядома выпадкаў, калі далей пачынаецца тое, што дактары называюць “анарэксія” — хвароба, якая развіваецца ў людзей, і што асабліва страшна — у падлеткаў, якія адмаўляюцца ад прыёму ежы пад уплывам псіхічных расстройстваў?
Разважаючы над гэтай, здавалася б, простай тэмай — лялькі, ці не самы час згадаць, што яны якраз і з’яўляюцца адным з механізмаў абароны ад псіхічнага і іншых відаў насілля.
Мы жывем у Міжнароднае дзесяцігоддзе культуры міру і ненасілля ў інтарэсах дзяцей планеты, абвешчанае Генеральнай Асамблеяй ААН на перыяд 2001 — 2010 гады. А таму мы мусім улічваць належным чынам важнасць традыцый і культурных каштоўнасцей кожнага народа для абароны і гарманічнага развіцця дзіцяці. І найперш дзіцяці, якога мы хочам выхаваць патрыётам сваёй зямлі. Таму “лялечнае” пытанне, падаецца, набывае зусім іншы, глыбінны змест у нацыянальнай прасторы.
Далей
На людным месцы
“Мару напісаць восень”
У Навагрудскай гарадской цэнтральнай бібліятэцы адбылася выстаўка твораў мастака Яўгена Даўлюда. Яна была прымеркавана да 210-годдзя з дня нараджэння Адама Міцкевіча.
Далей
Дзвесце песень — дваццаць строяў
У 1984 годзе пры Прудкоўскім сельскім Доме культуры быў створаны фальклорны самадзейны калектыў “Валошкі”, якому ў 1995-ым прысвоена званне “народны аматарскі калектыў”. Калі вам давядзецца наведаць палескую вёску Прудок Мазырскага раёна, абавязкова зазірніце ў мясцовую ўстанову культуры, сустрэньцеся з “Валошкамі”, адчуйце жыццядайнасць нашай фальклорнай традыцыі.
Далей
Prof-партфоліа:досвед прафесіяналаў у культуры
Старадарожскі акцэнт
Месцам, дзе можна з задавальненнем і карысцю бавіць вольны час усёй сям’ёй, стаў раённы Цэнтр культуры і адпачынку ў Старых Дарогах. Установа заняла летась І месца ў раённым спаборніцтве культустаноў першай групы. Да таго ж, культасветнікі ўзнагароджаны Ганаровай граматай аблвыканкама як пераможцы штогадовага агляду-конкурсу на лепшае інфармацыйна-ідэалагічнае абсталяванне і афармленне аб’ектаў сярод арганізацый культуры ў намінацыі “Лепшы інфармацыйны куток”.
Далей
Гістарыёграф
Стратэгія выжывання
“Трэба паспець узяць інтэрв’ю”, — такая асноўная задача паўстала перад супрацоўнікамі аддзела ваеннай гісторыі і міждзяржаўных адносін Інстытута гісторыі Нацыянальнай акадэміі навук Беларусі пад час рэалізацыі новага беларуска-германскага праекта. Некаторыя падрабязнасці гэтай і іншых прац аддзела вучоныя паведамілі карэспандэнту “К”.
Далей
“Прывітанне з... Witebsk!”
Старонкі маляўнічай гісторыі Віцебска яскрава раскрываюцца праз калекцыю паштовак, якая экспануецца ў мясцовым краязнаўчым музеі і ўключае найбольш рарытэтныя экземпляры канца ХІХ — сярэдзіны ХХ стст.
Далей
ART-блог: беларускае мастацтва
Энцыклапедыя Дамбавецкага
Па ініцыятыве гісторыка-краязнаўчага клуба “Спадчына”, што дзейнічае ў Магілёўскай абласной бібліятэцы, адбылася вечарына “Энцыклапедыя жыцця Магілёўшчыны”, прысвечаная перавыданню кнігі “Опыт описания Могилевской губернии в историческом, физико-географическом, этнографическом, промышленном, сельско-хозяйственном, лесном, учебном, медицинском и статистическом отношениях, с двумя картами губернии и 17 резными на дереве гравюрами видов и типов”. Гэтае грунтоўнае навуковае выданне ў 3 тамах пад рэдакцыяй магілёўскага губернатара Аляксандра Дамбавецкага ўпершыню выйшла ў 1882 — 1884 гадах.
Далей
Суботнія сустрэчы
Зялёны кабінет Радзівіла
Сёлета працягнуцца работы на такім знакавым аб’екце, як замкавы комплекс “Мір” па Дзяржаўнай інвестыцыйнай праграме. Адной з адметнасцей палацава-паркавага ансамбля ўжо ў найбліжэйшы час поруч з непаўторнай архітэктурай стануць італьянскі і англійскі сады.
Канстанцін ПЕТРЫМАН, навуковы супрацоўнік філіяла Нацыянальнага мастацкага музея Беларусі ў Міры, — першы ў Беларусі спецыяліст, які не толькі займаецца даследаваннем гістарычных дакументаў, звязаных з гісторыяй замка і яго садоў, але і выконвае функцыі садоўніка.
Далей
Дыміліся франтоў дарогі
“Назваць імёны адзінаццаці адважных…”
Часам паставіць задачу аказваецца нашмат лягчэй, чым яе выканаць. Знайсці найбольш цікавыя экспанаты і прадметы ваенных гадоў у фондах музеяў і апісаць іх — задача цалкам па сілах журналісту. Але ж не тады, калі трапляеш у самае сэрца падзей і становішся сведкам гісторыі лёсаў. Праз тыя самыя звычайныя экспанаты ў экспазіцыі. Патрапіўшы ў Магілёўскі абласны краязнаўчы музей, у яго “ваенную частку”, карэспандэнт “К” раптам задаўся пытаннямі: а які ж урэшце экспанат ці прадмет выбраць? які лёс апісаць? які з іх невядомы нам, сучаснікам? Іх жа так многа… І, натуральна, адказы на тыя рытарычныя пытанні знайсці нельга — бо ў гэты момант пераходзіш на ўзровень разваг іншага кшталту: а колькі іх, тых самаахвярных, мужных людзей, пра якіх мы ўвогуле не ведаем? Дзе яны ляжаць? ці пахаваны яны ўвогуле? ці засталося ад іх хоць што-небудзь? Вось такая сумная рыторыка.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |