Свежы нумар
"К" інфармуе
Ave, “Магутны Божа”
Сёння ў Магілёве вялікім гала-канцэртам урачыста закрываецца XV Міжнародны фестываль духоўнай музыкі “Магутны Божа”. Адметнасцю юбілейнага фестывалю сталася адсутнасць традыцыйнага конкурсу харавых калектываў і вакалістаў, затое — яшчэ больш шырокая, чым звычайна, разгорнутая канцэртная праграма фестывалю, які доўжыўся працягам 10-ці дзён.
Далей
Гастрольны тур Вялікага
Спектакль Нацыянальнага акадэмічнага Вялікага тэатра балета Беларусі “Лебядзінае возера” будзе прадстаўлены на Міжнародным фестывалі класічнага мастацтва ў Германіі.
Далей
Манеты-пераможцы
Тры памятныя манеты Нацыянальнага банка Рэспублікі Беларусь сталі пераможцамі ці прызёрамі ў міжнародных нумізматычных конкурсах 2007 года.
У прэстыжным конкурсе, арганізаваным амерыканскім выдавецтвам “Краузе Паблікейшнс”, памятная манета “Вялікдзень” перамагла ў намінацыі “Манета з лепшым мастацкім рашэннем” (мастак — Святлана Заскевіч). У гэтым годзе на конкурс было прадстаўлена 77 манет з 34-х краін свету, адбор праходзіў па 10 намінацыях.
Далей
Што пасееш, тое і пажнеш
Уступная кампанія — гэта свайго кшталту сяўба. Такое трапнае і паэтычнае параўнанне прагучала з вуснаў першага намесніка кіраўніка Адміністрацыі Прэзідэнта Рэспублікі Беларусь і старшыні Дзяржаўнай камісіі па кантролі за ходам падрыхтоўкі і правядзення ўступных экзаменаў у 2007 годзе Анатоля Рубінава на прэс-канферэнцыі, прысвечанай кантролю за правядзеннем уступных экзаменаў. Ён падкрэсліў, што ўступныя экзамены маюць на Беларусі такую самую маштабную і ўсеабдымную ўвагу дзяржавы, як і клопат пра хлеб штодзённы. Яно і зразумела: што пасееш, тое і пажнеш. Ад аб’ектыўнасці вынікаў уступнай кампаніі самым непасрэдным чынам залежыць прафесійная якасць спецыялістаў, якім у хуткім часе наканавана рабіць свой унёсак у стварэнне будучыні краіны.
Конкурс у “творчыя” ВНУ сёлета быў традыцыйна высокі. На адно месца ў Беларускім дзяржаўным універсітэце культуры і мастацтваў прэтэндавала 3,6 абітурыенты (летась іх было ўсяго тры). За права стаць студэнтам Беларускай дзяржаўнай акадэміі мастацтваў змагалася больш як пяць чалавек на адно месца, у Беларускай дзяржаўнай акадэміі музыкі лічба была сціплейшая. Зрэшты, у акадэмію музыкі паступаюць пераважна ўжо спраўджаныя музыканты, за плячыма якіх — лаўрэацтва на міжнародных конкурсах.
Цэнтралізаванае тэсціраванне, якое праходзяць таксама і абітурыенты “творчых” ВНУ, цяпер ужо не ў навіну. І, як запэўніў падчас прэс-канферэнцыі А.Рубінаў, штогод яго метадалогія ўдасканальваецца, абрастае належнай навуковай базай, а складаная сістэма падліку балаў, бадай, выключае “фактар выпадковасці”. Нядаўняя інавацыя мае перад сабой адзіную мэту — вызваліць экзаменацыйны вынік ад суб’ектыўных прыхільнасцей выкладчыка і тым самым выключыць карупцыю ды небезвядомы “блат”.
Далей
“Панарама” збірае сяброў
17 ліпеня ў Нацыянальным прэс-цэнтры адбылася прэс-канферэнцыя, прысвечаная правядзенню ІІІ Міжнароднага фестывалю тэатральнага мастацтва “Панарама”.
Далей
Соцыум
Дарогу адольвае той, хто ідзе
17 ліпеня на пасяджэнні Прэзідыума Савета Міністраў РБ па выніках першага паўгоддзя былі разгледжаны пытанні выканання даручэнняў Кіраўніка дзяржавы ў сферы кінематаграфіі і развіцця кінагаліны ў цэлым.
Далей
Форум: гаворым пра актуальнае! Кіно і тэатр
Прыгожа, годна, паводле праўды
На сцэне Гомельскага абласнога драматычнага тэатра — чарговая прэм’ера: спектакль “Яшчэ не вечар” паводле п’есы “Салодкія слёзы” Георгія Марчука, які плённа працуе ў розных жанрах літаратуры, у тым ліку і ў драматургіі.
Як драматурга, яго цікавяць розныя тэмы, і ў гэтай лірычнай камедыі гаворка ідзе пра “крытычны ўзрост”. У абласным цэнтры лёс зводзіць былых аднакласнікаў, якім зараз па шэсцьдзесят гадоў. Дзякуючы гэтай сустрэчы ў іх адбываецца пераацэнка і жыцця — ужо, здавалася б, пражытага, хоць яны яшчэ і не даюць веры, што ўсё лепшае засталося ў мінулым, і маральных каштоўнасцей, ідэй, якія жывілі іх у маладосці. Ці ўсё здолелі здейсніць? Ці не зрабіліся абыякавымі да людзей, рэчаіснасці? Ці захавалі ідэалы маладосці, справядлівасці, любові да чалавека, захопленасці жыццём?.. Цікава, аднак, зазначыць, што ў якасці пастаноўшчыка спектакля выступіў малады чалавек — рэжысёр тэатра Багдан Арлоўскі.
Далей
Камертон
“Кругласць” магіі лічбаў
Па ініцыятыве Нацыянальнай камісіі Рэспублікі Беларусь па справах ЮНЕСКО быў здзейснены аўдыёпраект “Музыка Беларусі ХХ стагоддзя: 100 твораў 50-ці кампазітараў”. Яго прэзентацыя адбылася 5 чэрвеня ў Дзяржаўным музеі гісторыі тэатральнай і музычнай культуры.
Далей
Пяцёрка ў творчасці і за яе
Сёлета ў маі споўнілася пяць гадоў з часу стварэння Магілёўскай гарадской капэлы. Яе мастацкім кіраўніком і дырыжорам з’яўляецца Сяргей Лішчанка. Тады ж камерны хор капэлы адзначыў юбілей перамогай на Міжнародным фестывалі духоўнай музыкі ў Польшчы (г. Барчава), дзе заняў першае месца.
Далей
Праекты развіцця: культура рэгіёнаў
Беларусы ў Літве з рускай класікай
Удзельнікам ІХ Міжнароднага фестывалю рускай духоўнай музыкі ў Вільні быў Нацыянальны акадэмічны народны хор Рэспублікі Беларусь імя Г.Цітовіча. Уражаннямі з нашым карэспандэнтам падзяліўся мастацкі кіраўнік калектыву, народны артыст краіны, прафесар Міхась ДРЫНЕЎСКІ.
Далей
Максіма маладых
“Каб да нас мог спакойна прыляцець Брус Уіліс...”
У той час, калі свет абмяркоўвае сем новых цудаў свету, у Беларусі без асаблівага розгаласу нараджаюцца праекты, здольныя прывабіць у нашу краіну і турыстаў, і інвестыцыі, і сяго-таго з сусветных зорак. Гаворка ідзе аб дыпломных работах выпускнікоў архітэктурнага факультэта БНТУ, а ў прыватнасці, аб адной з іх — праекце маладога архітэктара Алены Рэбкавец. Дыпломнай працай маладога архітэктара стаў... Цэнтр беларускай кінематаграфіі, вялікі комплекс, здольны забяспечыць устойлівым заробкам не толькі кінагаліну краіны, але і годна прыняць кінабамонд свету.
“У маім праекце прадугледжана і гасцініца для кінематаграфістаў, і вялікая глядзельная зала ў медыяцэнтры, — распавядае Алена, — і пляцоўка для верталёта. Каб, да прыкладу, да нас мог спакойна прыляцець... Брус Уіліс”.
Аб кіно, архітэктуры і індывідуальным абліччы гарадоў мы і гутарым з маладым спецыялістам і галоўным раённым архітэктарам горада Мядзеля — Аленай РЭБКАВЕЦ.
Далей
Кiно i тэатр
Янка Купала: гісторыя кахання
“Ад вершаванага радка — да SМSкі” — менавіта так можна было б ахарактарызаваць той шлях, які літаральна за паўтара дзесяцігоддзя прайшла “народная лірыка”. Гэта раней юнакі і дзяўчаты, як знак увагі, пісалі і чыталі адно аднаму радкі з вершаў любімых паэтаў.
Сёння ж у нашмат большым ужытку — звыклыя кароткія паведамленні на мабільнік. Непавага, адсутнасць пашаны да слова, што развілася ў будзённым жыцці (не выключаючы і брыдкаслоўе), шмат у чым звязана і з аслабленнем “культу слова” ў сучасным мастацтве.
Далей
Соцыум: праблемны аспект культуры P.S. да фэстy
Закон паўтораў: рух па спіралі ці …
На працягу 16 гадоў існавання мастацкая траекторыя “Славянскага базару ў Віцебску” некалькі разоў мянялася. І дыктаваліся гэтыя змены, найперш, тымі соцыякультурнымі ўмовамі, у якіх ён існаваў.
Далей
Культпрасветработа
Нашчадкі Чапскага, альбо Аповед аб тым, як у Прылуках прылучаюць да культуры
Вёска Прылукі, што ў Мінскім раёне, знакамітая не толькі мясцовым старасвецкім паркам-помнікам садова-паркавага мастацтва канца XVII — пачатку XVIII стагоддзяў; не толькі адмысловым палацам Эмерыка Гутэн Чапскага — дзяржаўнага дзеяча ХІХ стагоддзя, віцэ-губернатара Ноўгарада і Пецярбургскай губерні, калекцыянера і мецэната. Духоўнасць сённяшніх Прылукаў трымаецца на Цэнтры народнай творчасці, дзейнасць якога наўпрост уплывае на змест выхаваўчай работы мясцовага дзіцячага садка, Прылуцкай сярэдняй школы (знаходзіцца ў вёсцы Атоліна, што амаль злілася з Прылукамі, і прымае вучняў з сямі паселішчаў сельсавета — культурніцкай зоны абслугоўвання ЦНТ). Дый немалая частка навукоўцаў Інстытута аховы раслін Нацыянальнай акадэміі навук, які месціцца ў палацы Чапскага, — даўнія і актыўныя ўдзельнікі мерапрыемстваў, што ладзіць на працягу года Цэнтр народнай творчасці — не шараговы сельскі клуб, а творчая лабараторыя па вышукванні і апрабаванні новых падыходаў у справе захавання беларускай культуры. Тутэйшы даследчы інстытут клапоціцца пра захаванне гародніны, садавіны і збожжавых з выкарыстаннем унікальных біяпрэпаратаў айчыннай вытворчасці, а ЦНТ дбае пра экалогію нацыянальнай душы, беручы пры гэтым на ўзбраенне не менш адметныя тэхналогіі развіцця і захавання вясковых талентаў.
Як хлебная ніва пачынаецца з коласа, так ніва культуры пачынаецца з асобы. У Прылуках гэта найперш асоба Леаніда Волчака — дырэктара Цэнтра народнай творчасці. Не было б яго — невядома, на якія пуцявіны збілася б культасветшчыраванне ў гэтых адмысловых на культурную спадчыну мясцінах.
Далей
Сайт переехал на новый адрес – kultura-info.by
|
Новы нумар Рэдакцыйна-выдавецкая ўстанова Цікавосткі: варта прачытаць! Гісторыя і лёсы: культура Беларусі ад мінулага да сучаснасці |